ЗАСГИЙН ГАЗРЫН ТОГТООЛ

ТӨЛӨВЛӨГӨӨ БАТЛАХ ТУХАЙ /Гоц халдварт өвчнөөс сэргийлэх, түүнтэй тэмцэх арга хэмжээний үлгэрчилсэн төлөвлөгөө/

1995 оны 9 дүгээр сарын 6-ны өдөр

Улаанбаатар хот

Дугаар 165

Монгол Улсын Засгийн газраас ТОГТООХ нь :

1."Гоц халдварт өвчнөөс сэргийлэх, түүнтэй тэмцэх арга хэмжээний үлгэрчилсэн төлөвлөгөө"-г хавсралтын ёсоор баталсугай.

2.Гоц аюулт халдварт өвчинтэй тэмцэх улсын дайчилгааны төлөвлөгөөг таван жилийн хугацаанд мөрдөхөөр 1995 оны 9 дүгээр сард багтаан шинэчлэн баталж, цаашид жил бүр тодотгон, хэрэгжүүлэх арга хэмжээг зохион байгуулж ажиллахыг Эрүүл мэндийн сайд П.Нямдаваа, Улсын байнгын онцгой комиссын орлогч, Улсын иргэний хамгаалалтын газрын дарга Г.Дамдинсүрэн нарт даалгасугай.

3.Гоц аюулт халдварт өвчинтэй тэмцэх дайчилгааны талаар орон нутагт гүйцэтгэх ажлын төлөвлөгөөг 1995 оны 10 дугаар сард багтаан шинэчлэн боловсруулж, баталж мөрдөхийг аймаг, нийслэл, сум, дүүргийн засаг дарга, байнгын онцгой комиссын дарга нарт даалгасугай.

Монгол Улсын Ерөнхий сайд П.ЖАСРАЙ

Эрүүл мэндийн сайд П.НЯМДАВАА