ЗАСГИЙН ГАЗРЫН ТОГТООЛ

ТҮҮХ, СОЁЛЫН ХОСГҮЙ ҮНЭТ ДУРСГАЛТ ЗҮЙЛИЙН ЖАГСААЛТ БАТЛАХ ТУХАЙ

1995 оны 12 дугаар сарын 23-ны өдөр

Улаанбаатар хот

Дугаар 241

Монгол Улсын Засгийн газраас ТОГТООХ нь :

1.Түүх, соёлын хосгүй үнэт дурсгалт зүйлийн жагсаалтыг нэгдүгээр, улсын хилээр түр гаргах шаардлага гарвал түүнийг Засгийн газрын зөвшөөрлөөр шийдвэрлэж байвал зохих түүх,соёлын хосгүй үнэт дурсгалт зүйлийн жагсаалтыг хоёрдугаар хавсралтын ёсоор тус тус баталсугай. (Энэ тогтоолын 1 дүгээр хавсралтад Засгийн газрын 2010-04-28-ны өдрийн 103 дугаар тогтоолоор 290-593 дахь заалт нэмж,"зохиогч" гэснийг "бүтээлч" гэж өөрчилсөн, Засгийн газрын 2011-12-28-ны өдрийн 373 дугаар тогтоолоор 610-670 , Засгийн газрын 2012-02-29-ний өдрийн 58 дугаар тогтоолоор 671, Засгийн газрын 2012-04-04-ний өдрийн 105 дугаар тогтоолоор 672-748, Засгийн газрын 2013-6-26-ны өдрийн 227 дугаар тогтоолоор 749-776, Засгийн газрын 2015-9-28-ний өдрийн 390 дугаар тогтоолоор 777, Засгийн газрын 2019 оны 360 дугаар тогтоолоор 778 дахь заалтыг тус тус нэмсэн).

2.Энэ тогтоолын гуравдугаар хавсралтад дурдсан түүх, соёлын хосгүй үнэт дурсгалт зүйлийг улсын хилээр түр гаргах шаардлага гарвал түүнийг хянан шийдвэрлэж байхыг Соёлын сайд Н.Энхбаярт зөвшөөрсүгэй.

Монгол Улсын Ерөнхий сайд П.ЖАСРАЙ

Соёлын сайд Н.ЭНХБАЯР