ЗАСГИЙН ГАЗРЫН ТОГТООЛ

1999 оны 10 дугаар сарын 27-ны өдөр

Дугаар 176

Улаанбаатар хот

ТӨСВИЙН САНХҮҮЖИЛТИЙН ҮР АШГИЙГ ДЭЭШЛҮҮЛЭХ ТҮРШИЛТЫН ТУХАЙ

Монгол Улсын Засгийн газраас ТОГТООХ нь:

Төсвийн байгууллагыг зах зээлийн эдийн засгийн харилцаанд шилжүүлэх ажил хоцрогдож, төсөвт хөрөнгийн хүрэлцээ удирдлагын чадавхийг дээшлүүлэх хөшүүрэг болж чадахгүй байгааг өөрчлөн шинэчилж, батлагдсан төсвийн зарцуулалтын үр ашгийг дээшлүүлэх нь өнөөгийн тулгамдсан асуудлын нэг болж байна. Сангийн яам, Засгийн газрын Хэрэг эрхлэх газрын хэмжээнд төсвийн санхүүжилтийн үр ашиг болон түүний уян хатан, урамшуулагч нөлөөг эрс дээшлүүлэх, төрийн захиргааны албан хаагчдын хөдөлмөрийн хөлсний үнэлгээг нэмэгдүүлэн тэдний нийгмийн баталгааг сайжруулж, тогтвор суурьшилтай ажиллах сонирхлыг нь дээшлүүлэх, хөдөлмөр ахуйн нөхцөлийг бүрдүүлэх, үйл ажиллагааны ил тод байдлыг хангах, тайлагнал, үр дүнг сайжруулах, урамшуулал, хариуцлагын тогтолцоог бий болгох замаар эдгээр байгууллагын үйл ажиллагааны шуурхай, үр ашиг, үр нөлөөтэй байх явдлыг хангах зорилгоор Монгол Улсын Засгийн газраас ТОГТООХ нь:

1.Батлагдсан төсвийнхөө зардлын зүйл ангийг байгууллагынхаа үйл ажиллагааны зориулалтаар нь шилжүүлэн зарцуулж байх төсвийн санхүүжилтийн үр ашгийг дээшлүүлэх туршилтыг /Төсвийн байгууллагын удирдлага, санхүүжилтийн тухай хууль тогтоомж батлагдах хүртэл сунгасан/ Сангийн яам, Засгийн газрын Хэрэг эрхлэх газарт хэрэгжүүлэхээр тогтоож, эдгээр байгууллагын 1999 оны төсвийн үлдэгдлийг нийт дүнд нь багтаан захиран зарцуулах зрхийг Сангийн сайд Я.Очирсүх, Засгийн газрын Хэрэг эрхлэх газрын дарга Н.Батбаяр нарт олгосугай.

2.Туршилтын хугацаанд дор дүрдсан арга хэмжээ авч хэрэгжүүлэхийг Сангийн сайд Я.Очирсүх, Засгийн газрын Хэрэг эрхлэх газрын дарга Н.Батбаяр нарт үүрэг болгосугай:

а/батлагдсан төсвийн хүрээнд санхүүжилт хийх, үндсэн бус ажил үйлчилгээг гэрээний үндсэн дээр бусад байгууллага, мэргэжлийн хүмүүсээр гүйцэтгүүлэх зэргээр төсвийн зарцуулалтын үр ашгийг дээшлүүлж ажиллагчдынхаа цалин хөлсийг нэмэгдүүлэх, хөдөлмөр ахуйн нөхцөлийг сайжруулах арга хэмжээ авах,

б/аппаратынхаа ажилтнуудын ажил үүргийн хуваарийг тодорхой болгож, нягтралыг сайжруулах, ажлын үр дүн, хариуцлагыг дээшлүүлэхэд чиглүүлэн ажлын байр /албан тушаал/-ны тодорхойлолтыг шинэчлэх;

в/батлагдсан төсвийг зөвхөн үйл ажиллагааныхаа зорилтын дагуу зарцуулж нийт дүнг хэтрүүлэхгүй байх арга хэмжээ авч ажиллах.

З.Засгийн газрын Хэрэг эрхлэх газар Сангийн яамны аппаратад ажиллаж байгаа төрийн захиргааны албан хаагчдад төрийн албан хаагчид нэмэгдэл олгох журам батлах тухай" Засгийн газрын 1995 оны 6 дугаар сарын 14-ний өдрийн 96 дугаар тогтоолын 1, 2, 3, 4, 5 дугаар хавсралтад заасны дагуу олгох онцгой нехцөлийн, төрийн алба хаасан хугацааны, эрдмийн зэрэг цолны нэмэгдэл болон үйлчилгээний албан хаагчдад олгох ур чадварын ба мэргэшлийн зэргийн нэмэгдлийн хэмжээг туршилтын хугацаанд тус тус "0" байхаар тогтоосугай.

4.Туршилтын хугацаанд Сангийн яам, Засгийн газрын Хэрэг эрхлэх газарт "Төрийн албан хаагчийн цалингийн талаар авах арга хэмжээний тухай" Засгийн газрын 1999 оны 9 дүгээр сарын 22-ны өдрийн 154 дүгээр тогтоолыг хамааруулахгүй байхаар тогтоож, энэ хугацаанд тухайн байгууллага дээр мөрдөх албан тушаалын цалингийн сүлжээг байгуллагынхаа зорилт, үйл ажиллагааны чиг үүрэгтэй уялдуулан шинэчилж 1999 оны 11 дүгээр сарын 10-ны дотор Засгин газарт оруулж батлуулахыг Сангийн сайд Я.0чирсүх, Засгийн газрын Хэрэг эрхлэх газрын дарга Н.Батбаяр нарт даалгасугай.

5.Сангийн сайд Я.Очирсүхэд даалгах нь:

а/Сангийн яам, Засгийн газрын Хэрэг эрхлэх газрын сар бүрийн санхүүжилтийг хагас сар тутамд жилийн нийт төсвийн 1/24-тэй тэнцэх хэмжээгээр дүнгээр нь бодож олгож байсугай.

б/туршилтад хамрагдаж байгаа байгууллагын төсвийн хэмнэлтийг өөрт нь бүрэн үлдээж байхын зэрэгцээ хэмнэлт гаргасныг нь дараа оны төсвийг бууруулах үндэслэл болгохгүй байсугай.

6.Туршилтын хугацаанд Төрийн хянан шалгах хороогоор газрынхаа зорилт, чиг үүрэг, түүнийг хэрэгжүүлэх үйл ажилагааны үр дүнгийн тайлан, гүйцэтгэлийн шалгуур үзүүүлэлтийг үндэслэн төсвийнхээ гүйцэтгэлд сар тутам хяналт-шинжилгээ, үнэлгээ хийлгэж дүнг Засгийн газарт танилцуулж байхыг Сангийн сайд Я.Очирсүх, Засгийн газрын эрхлэх газрын дарга Н.Батбаяр нарт тус тус даалгасугай.

7.Энэхүү тогтоолын үзэл санааг тус тусын эрхэлсэн ажлын чиглэлээр төрийн албан хаагчид, иргэдэд сурталчлан таниулах ажлыг өргөн хүрээтэй зохион байгуулахыг сайд нар болон Засгийн газрын Хэрэг эрхлэх газрын дарга Н.Батбаярт үүрэг болгосугай.

Монгол Улсын Ерөнхий сайд Р.АМАРЖАРГАЛ

Сангийн сайд Я.ОЧИРСҮХ

Хууль зүйн сайд Д.ГАНБОЛД