МОНГОЛ УЛСЫН ЗАСГИЙН ГАЗРЫН ТОГТООЛ

ТУСГАЙ ХАМГААЛАЛТТАЙ ЗАРИМ ГАЗАР НУТГИЙН ХАМГААЛАЛТЫН ГОРИМ, ХИЛИЙН ЦЭСИЙГ БАТЛАХ ТУХАЙ

1995 оны 9 дүгээр сарын 15-ны өдөр

Улаанбаатар хот

Дугаар 169

Тусгай хамгаалалттай газар нутгийн тухай Монгол улсын хуулийн 26 дугаар зүйлийн 5,6-д заасныг үндэслэн Монгол Улсын Засгийн газраас ТОГТООХ нь:

1."Дархан цаазат газрын хамгаалалтын нийтлэг горим"-ыг 1 дүгээр хавсралтын, "Байгалийн цогцолборт газрын хамгаалалтын нийтлэг горим"-ыг 2 дугаар хавсралтын, "Дархан цаазат болон байгалийн цогцолборт зарим газрын тусгай горим"-ыг 3 дугаар хавсралтын ёсоор тус тус баталсугай.

2.Байгалийн нөөц болон дурсгалт зарим газрын хилийн заагийг 4 дүгээр хавсралтын ёсоор баталсугай.

3.Энэ тогтоол гарсантай холбогдуулан Засгийн газрын дор дурдсан тогтоол, тогтоолын заалтыг хүчингүй болсонд тооцсугай:

а/"Дүрэм батлах тухай" 1991 оны 7 дугаар сарын 15-ны өдрийн 217 дугаар тогтоол;

б/"Дархан цаазтай газар, байгалийн үндэсний цогцолборт газар болгож, тэдгээрийн хилийн цэс, хамгаалалтын горимыг батлах тухай 1992 оны 2 дугаар сарын 22-ны өдрийн 31 дүгээр;

в/"Дүрэмд өөрчлөлт оруулах тухай 1992 оны 2 дугаар сарын 26-ны өдрийн 36 дүгаар тогтоол;

г/"3арим газар нутгийг улсын тусгай хамгаалалттай болгох тухай 1992 оны 4 дүгээр сарын 24-ний өдрийн 64 дүгээр тогтоолын 1-5 дугаар зүйл;

д/"Тусгай хамгаалалттай газрын хилийн цэс, хамгаалалтын Горимыг батлах тухай" 1994 оны 1 дүгээр сарын 12-ны өдрийн 9 дүгээр тогтоолын 1 дүгээр зүйлийн "Хустай, Угтаалын болон Шарга, Манханы байгалийн нөөц газар, Ганга нуурын дурсгалт газрын хилийн цэсийг 1 дүгээр хавсралтын ёсоор ………. баталсугай гэснээс бусад хэсэг, 2,4 дүгээр зүйл

е/"Улсын тусгай хамгаалалттай зарим газрын хилийн цэс хамгаалалтын горимыг батлах тухай" 1994 оны 5 дугаар сарын 11-ний өдрийн 95 дугаар тогтоолын 1,2 дугаар зүйл:

Монгол Улсын Ерөнхий сайд П.ЖАСРАЙ

Байгаль орчны сайд З.БАТЖАРГАЛ