ЗАСГИЙН ГАЗРЫН ТОГТООЛ

ТОГТООЛД ӨӨРЧЛӨЛТ ОРУУЛАХ ТУХАЙ /Мигжэд Жанрайсиг шүтээнийг бүтээн залах ажлыг/

1992 оны 9 дүгээр сарын 18-ны өдөр

Улаанбаатар хот

Дугаар 30

Монгол Улсын Засгийн газрын бүтэц, зохион байгуулалтад өөрчлөлт орсонтой холбогдуулан ТОГТООХ нь:

1. Мигжэд Жанрайсиг шүтээнийг бүтээн залах ажлыг удирдан зохион байгуулах улсын комиссын бүрэлдэхүүнийг хавсралтын ёсоор шинэчлэн баталсугай.

2. Мигжэд Жанрайсиг шүтээнийг бүтээн залах ажлыг түргэвчилж, Монгол Улсын Ерөнхийлөгчийн 1991 оны 33 дугаар зарлигт заасан хугацаанд уг шүтээнийг цогцлуулан аравнайлах арга хэмжээ авахыг улсын комисс /н.Энхбаяр/-т даалгасугай.

3. Энэ тогтоол гарсантай холбогдуулан "Мигжэд Жанрайсиг шүтээнийг бүтээн залах эрчимжүүлэх талаар авах зарим арга хэмжээний тухай" Засгийн газрын 1992 оны 4 дүгээр сарын 20-ны 59 дүгээр тогтоолын 1 дүгээр зүйлийг хүчингүй болсонд тооцсугай.

Монгол Улсын Ерөнхий сайд П.ЖАСРАЙ

Монгол Улсын Ерөнхий сайдын орлогч Ч.ПҮРЭВДОРЖ