ЗАСГИЙН ГАЗРЫН ТОГТООЛ

ҮНДЭСНИЙ ХӨГЖЛИЙН ХҮРЭЭЛЭНГИЙН ТУХАЙ /ЗГ-ын 2015-12-21-ний өдрийн 501-р тогтоолоор хүчингүй болсонд тооцсон/

2006 оны 4 дүгээр сарын 3-ны өдөр

Улаанбаатар хот

Дугаар 62

Үндэсний хөгжлийн цогц бодлого боловсруулах, биелэлтийг арга зүйн нэгдсэн удирдлагаар хангах зорилгоор Шинжлэх ухаан, технологийн тухай хуулийн 6.1.3, 13.1.1-д заасныг үндэслэн Монгол Улсын Засгийн газраас ТОГТООХ нь:

1. Үндэсний хөгжлийн хүрээлэнг Монгол Улсын Ерөнхийлөгчийн Тамгын газар, Шинжлэх ухааны академийн харьяанд байхаар тогтоосугай.

2. Энэ тогтоол гарсантай холбогдуулан "Шинжлэх ухааны зарим байгууллагын бүтцийн өөрчлөлтийн тухай" Засгийн газрын 1999 оны 9 дүгээр сарын 2-ны өдрийн 138 дугаар тогтоолын 1 дүгээр зүйлийн "... Шинжлэх ухааны академийн харьяанд ..." гэснийг хүчингүй болсонд тооцсугай.

Монгол Улсын Ерөнхий сайд М.ЭНХБОЛД

Монгол Улсын сайд, Засгийн газрын Хэрэг эрхлэх газрын дарга С.БАТБОЛД