ЗАСГИЙН ГАЗРЫН ТОГТООЛ (ЗАХИРАМЖ)

ХӨРӨНГӨ ОРУУЛАЛТЫН ЭРХИЙН БИЧГИЙН БАТАЛГААЖУУЛСАН ЦЭНХЭР ТАСАЛБАРЫГ ТӨЛБӨРТ ТООЦОХ ТУХАЙ

1999 оны 6 дугаар сарын 4-ний өдөр

Улаанбаатар хот

Дугаар 90

Монгол Улсын Засгийн газраас ТОГТООХ нь:

Төрийн өмчийн хорооны дарга Д.Зоригт, Монголын хөрөнгийн биржийн захирал О.Батбилэг нарт даалгах нь:

а/хувьчлалын төлбөрт тооцогдоогүй үлдсэн хөрөнгө оруулалтын баталгаажуулсан цэнхэр тасалбарыг индексжүүлэн /тухайн үеийн ТОР-75-аар/ Монголын хөрөнгийн биржээр хувьчлагдах төрийн өмчийн болон төрийн өмчийн оролцоотой хувьцаат компанийн хувьчлалын төлбөрт тооцож ажилласугай;

б/хувьчлагдах аж ахуйн нэгжүүдийн төрийн мэдлийн хувьцааг Монголын хөрөнгийн бирж дээр цэнхэр тасалбар болон бэлэн мөнгөөр арилжаалах талаар хамтарсан журам гаргаж, энэ оны 7 дугаар сарын 1-нээс мөрдүүлсүгэй.

Монгол Улсын Ерөнхий сайд Ж.НАРАНЦАЦРАЛТ

Сангийн сайд Я.ОЧИРСҮХ