1."Хорих байгууллагын болон хорих ял эдлүүлэх тухай" Монгол Улсын хуулийн 12 дугаар зүйлийн 1 дүгээр хэсэгт заасныг хэрэгжүүлж, хоригдлыг ажлын байраар хангах асуудлыг боловсруулан энэ оны 5 дугаар сарын 1-ний дотор шийдвэрлүүлж, биелэлтийг хангуулах үүрэг бүхий ажлын хэсгийг дор дурдсан бүрэлдэхүүнтэйгээр байгуулж ажиллуулсугай:

                                               - Сангийн дэд сайд С.Очирпүрэв;

                                               - Худалдаа, үйлдвэрийн дэд сайд Ц.Ёндон;

                                               - Байгаль орчны дэд сайд Ц.Шийрэвдамба;

                                              - Хүнс, хөдөө аж ахуйн дэд сайд Г.Сүрэнжаргал;

                                              -Эрчим хүч, геологи, уул уурхайн дэд сайд Д.Амгалан;

                                              - Дэд бүтцийн хөгжлийн дэд сайд Ц.Дамиран;

                                              - Хорих байгууллагуудыг удирдах газрын дарга Г.Дэндэв.

2.Хорих байгууллагуудын нэгдсэн эмнэлгийн одоогийн байрыг Цагдаагийн ерөнхий газарт балансаас балансад шилжүүлэхийг Хууль зүйн яам /Н.Лувсанжав/-д даалгасугай.

З.Хоригдлуудыг эрүүл мэндийн даатгалд хамруулах ажлыг энэ оны 2 дугаар улиралд багтаан зохион байгуулах, үүнтэй холбогдуулан шаардлагатай бол санхүүжилтэд зохицуулалт хийхийн хамт хорих ял эдэлж байгаа ялтны даатгалын хураамж төлөх журам тогтоож мөрдүүлэх арга хэмжээ авахыг Сангийн сайд Э.Бямбажав, Хууль зүйн сайд Н.Лувсанжав, Эрүүл мэндийн сайд П.Нямдаваа нарт даалгасугай.

4.Хорих байгууллагын эмнэлгүүдийг мэргэжлийн боловсон хүчнээр хангах, эмч, мэргэжилтнүүдийнхэн нь мэргэжил, мэдлэгийг дээшлүүлэх, ажиллагчдын хөдөлмөр хамгаалалтыг сайжруулах, шаардлагатай багаж, төхөөрөмжөөр хангах ажлыг тодорхой төлөвлөгөөний дагуу үе шаттай зохион байгуулж хэрэгжүүлэхийг Хууль зүйн сайд Н.Лувсанжав, Эрүүл мэндийн сайд П.Нямдаваа нарт үүрэг болгосугай.

5.Дор дурдсан арга хэмжээг 1995 оны 4 дүгээр сард багтаан авахыг Сангийн сайд Э.Бямбажавт даалгасугай:

а)Хорих байгууллагуудыг удирдах газарт холбоо, дохиоллын тоног төхөөрөмж, хорих байгууллагуудын нэгдсэн эмнэлэгт эмнэлгийн зориулалттай зарим техник хэрэгсэл авах, дамжин өнгөрүүлэх ангийг хоригдол тээвэрлэн хүргэх унаатай болгох, Зүүнхараагийн хорих ангид гахай, тахиа үржүүлэх ажлын байр бий болгох, Мааньтын хорих ангийн үйлдвэрлэлийн хүч чадлыг нэмэгдүүлэх, хорих байгууллагуудын нэгдсэн эмнэлгийн шинэ байранд цэвэр, бохир усны шугам тавих, хамгаалалтын хашаа барих зардлыг санхүүжүүлэхэд зориулан Засгийн газрын 1995 оны нөөц хөрөнгөөс 100,0 сая төгрөг гаргах;

б)үр тариа, төмс, хүнсний ногооны үр худалдаж авахад зориулан ургацаа хурааж авсных нь дараа буцааж тооцохоор Хорих байгууллагуудыг удирдах газарт хуваарилагдсан төсвөөс З0,0 сая төгрөгийг урьдчилан олгох;

в) Хорих байгууллагуудыг удирдах газрыгн төсвийн хөрөнгийн хуваарилалт, зарцуулалтын байдал, 1994 онд улсын төсвөөс дутуу санхүүжигдсэн зардлыг тооцоог шалгаж дүгнэлт гаргах;

6.Дор дурдсан арга хэмжээг авч хэрэгжүүлэхийг гэснийг “Шүүхийн шийдвэр гүйцэтгэх ерөнхий газарт даалгасугай: /2002 оны 155 дугаар тогтоолоор оруулсан өөрчлөлтийг тусгав./

а)цагдан хорих байранд түр хоригдож буй хоригдогчдын хоолны хангамж, хооллолтын байдалд байнгын хяналт тавих журам тогтоож мөрдүүлэх;

б)цагдан хорих байранд хоригдогчийг хүлээн авахдаа иргэний паспорт, эрүүл мэндийн даатгалын дэвтэр зэрэг зайлшгүй шаардлагатай бичиг баримтыг нь бүрдүүлж, хоригдогч бүрт эрүүл мэндийн дэвтэр нээж зохих журмаар хөтлөн хувийн хэрэгт нь хавсаргаж байх журам тогтоож мөрдүүлэх

в/Хорих байгууллагуудыг удирдах газрын төсвийн хөрөнгийн хуваарилалт, зарцуулалтын байдал, 1994 онд улсын төсвөөс дутуу санхүүжигдсэн зардлыг тооцоод шалгаж дүгнэлт гаргах..

7.Тусгай график, хуваарийн дагуу хорих байгууллагуудын нэгдсэн эмнэлэг, аймгийн эмнэлгийн нарийн мэргэжлийн эмч нараар хоригдлуудад хагас жил тутамд эрүүл мэндийн үзлэг хийлгэж, эмчлэн эрүүлжүүлэх ажлыг тодорхой төлөвлөгөөний үндсэн дээр гүйцэтгэж байхыг Хорих байгууллагуудыг удирдах газрын дарга Г.Дэндэв нарт даалгасугай.

8.Хууль зүйн сайд Н.Лувсанжав, Хорих байгууллагуудыг удирдах газрын дарга Г.Дэндэв нарт даалгах нь:

а)хоригдол турах, өвчлөхөд хүргэж байгаа шалтгааныг судлан тогтоож, хоригдлын ахуйн нөхцөл, эмчилгээ, үйлчилгээний чанарыг сайжруулах, оношилгооны түвшинг дээшлүүлэх чиглэлээр цогцолбор арга хэмжээ авч хэрэгжүүлэхийн хамт ажилтнуудын ажлын хариуцлага, сахилгыг эрс дээшлүүлж, аливаа зөрчил, дутагдал гаргагчидтай цаг тухайд нь хариуцлага тооцож ажилласугай;

б)Дархан-уул аймгийн жирийн дэглэмтэй хорих ангид Сэлэнгэ аймгийн харьяат хоригдлуудыг ял эдлүүлэхтэй холбогдсон зардлыг санхүүжүүлэх асуудлыг судалж шийдвэрлэсүгэй;

в)Дархан-уул аймгийн хорих ангийн авсан З,0 сая төгрөгийн зээлийн өрийг энэ оны З дугаар сард багтаан төлж барагдуулах арга хэмжээ авсугай;

г)энэ тогтоолыг хэрэгжүүлэх талаар зохиож байгаа ажлынхаа үр дүнг хагас жил тутамд Засгийн газарт танилцуулж байсугай.

Монгол Улсын Ерөнхий сайд П.ЖАСРАЙ

Сангийн сайд Э.БЯМБАЖАВ

Хууль зүйн сайд Н.ЛУВСАНЖАВ