ЗАСГИЙН ГАЗРЫН ТОГТООЛ (ЗАХИРАМЖ)

ХУЛАН ХУДАЛДАХ ТУХАЙ

1992 оны 2 дугаар сарын 7-ны өдөр

Улаанбаатар хот

Дугаар 19

Дэлхийн хулан хамгаалах нийгэмлэгээс тавьсан хүсэлт, Байгаль орчны хяналтын улсын хороо, Монголын анчдын нийгэмлэгийн төв зөвлөлийн саналыг үндэслэн БНМАУ-ын Засгийн газраас ТОГТООХ нь:

Дорноговь аймгийн нутгаас 10 хулан барьж Дэлхийн хулан хамгаалах нийгэмлэгт судалгааны ажлын хэрэгцээнд зориулан худалдах, олсон орлогыг зохих журмын дагуу төсвийн орлогод оруулах тухай Байгаль, орчны хяналтын улсын хорооны саналыг зөвшөөрсүгэй.

БНМАУ-ын Ерөнхий сайд Д.БЯМБАСҮРЭН

БНМАУ-ын Засгийн газрын Хэрэг эрхлэх газрын дарга Д.МОЛОМЖАМЦ