ЗАСГИЙН ГАЗРЫН ТОГТООЛ (ЗАХИРАМЖ)

ХУУЛЬ ХЭРЭГЖҮҮЛЭХ ЗАРИМ АРГА ХЭМЖЭЭНИЙ ТУХАЙ

2002 оны 3 дугаар сарын 6-ны өдөр

Улаанбаатар хот

Дугаар 35

Аж ахуйн үйл ажиллагааны тусгай зөвшөөрлийн тухай хуулийг хэрэгжүүлэх, аж ахуй эрхлэгчдэд олгож буй олон төрлийн зөвшөөрөл, лиценз, шат дамжлагыг багасгах зорилгоор Монгол Улсын Засгийн газраас ТОГТООХ нь:

1.Яам, агентлагийн удирдлага, аймаг, нийслэл, сум, дүүргийн Засаг дарга нарт даалгах нь:

а/өөрсдийн эрхлэх үйл ажиллагааны чиглэлээр өмнө батлан гаргасан журам, заавруудыг Аж ахуйн үйл ажиллагааны тусгай зөвшөөрлийн тухай Монгол Улсын хуульд нийцүүлэн 2002 оны 4 дүгээр сарын 1-ний дотор хүчингүй болгож, дэлгэрэнгүй танилцуулга, жагсаалтыг Засгийн газарт ирүүлсүгэй;

б/аж ахуйн үйл ажиллагаа эрхлэгчдэд зөвшөөрөл, лиценз олгох, бүртгэх ажиллагааны шат дамжлагыг цөөрүүлэх зорилгоор 2002 оны 4 дүгээр сарын 1-ний өдрөөс "Нэг цэгийн үйлчилгээний төв"-ийн зарчмыг хэрэгжүүлэх арга хэмжээ авсугай.

2.Засгийн газрын гишүүн, Засгийн газрын Хэрэг эрхлэх газрын дарга Ө.Энхтүвшинд даалгах нь:

а/мэргэжлийн чиглэлийн хяналт, шалгалт эрхэлдэг төрийн захиргааны болон нутгийн захиргааны байгууллагуудын тогтолцоог судлан үзэж бүтэц, зохион байгуулалтын өөрчлөлт хийх арга хэмжээ авсугай;

б/энэхүү тогтоол болон цаашид авах арга хэмжээний талаар хэвлэл, мэдээллийн хэрэгслээр сурталчлах ажлыг зохион байгуулсугай.

3. Аж ахуйн үйл ажиллагааны тусгай зөвшөөрлийн тухай хуульд нийцүүлэн салбарын чиглэлийн холбогдох хуулиудад нэмэлт, өөрчлөлт оруулах санал боловсруулж Засгийн газарт оруулахыг Засгийн газрын гишүүн, сайд нарт даалгасугай.

4. Яам, агентлаг, аймаг, нийслэлийн Засаг даргын шийдвэр Аж ахуйн үйл ажиллагааны тусгай зөвшөөрлийн тухай хууль болон бусад хууль тогтоомжид нийцэж байгаа эсэхийг 2002 оны П улиралд багтаан шалгахыг Хууль зүй, дотоод хэргийн сайд Ц.Нямдорж, Засгийн газрын Хэрэг эрхлэх газрын дарга Ө.Энхтүвшин нарт үүрэг болгосугай.

5. Аж ахуйн үйл ажиллагаа эрхлэх талаар гаргасан шийдвэрүүдээ хуульд нийцүүлэн хянан үзэхийг аймаг, нийслэл, сум, дүүргийн Иргэдийн Төлөөлөгчдийн Хурлын Тэргүүлэгчдэд зөвлөсүгэй.

6. Энэ тогтоол гарсантай холбогдуулан "Журам, жагсаалт батлах тухай" Засгийн газрын 1991 оны 9 дүгээр сарын 13-ны өдрийн 260 дугаар тогтоол, "Тогтоолын хавсралтад нэмэлт, өөрчлөлт оруулах тухай" Засгийн газрын 1993 оны 4 дүгээр сарын 9-ний өдрийн 58 дугаар тогтоол, "Жагсаалтад нэмэлт оруулах тухай" Засгийн газрын 1994 оны 5 дугаар сарын 18-ны өдрийн 97 дугаар тогтоол, "Тогтоолын хавсралтад нэмэлт оруулах тухай" Засгийн газрын 1994 оны 11 дүгээр сарын 2-ны өдрийн 184 дүгээр тогтоол, "Тогтоолын хавсралтад нэмэлт, өөрчлөлт оруулах тухай" Засгийн газрын 1995 оны 5 дугаар сарын 24-ний өдрийн 76 дугаар тогтоол, "Тогтоолын хавсралтад нэмэлт оруулах тухай" Засгийн газрын 1995 оны 7 дугаар сарын 5-ны өдрийн 118 дугаар тогтоол, "Тогтоолын хавсралтад нэмэлт, өөрчлөлт оруулах тухай" Засгийн газрын 1995 оны 11 дүгээр сарын 3-ны өдрийн 198 дугаар тогтоол, "Жагсаалтад нэмэлт, өөрчлөлт оруулах тухай" Засгийн газрын 1996 оны 1 дүгээр сарын 10-ны өдрийн 3 дугаар тогтоол, "Журам батлах тухай" Засгийн газрын 1996 оны 3 дугаар сарын 16-ны өдрийн 62 дугаар тогтоол, "Журмын хавсралтад нэмэлт оруулах тухай" Засгийн газрын 1996 оны 7 дугаар сарын 15-ны өдрийн 164 дүгээр тогтоол, "Тогтоолын заалтад нэмэлт оруулах тухай" Засгийн газрын 1997 оны 2 дугаар сарын 4-ний өдрийн 34 дүгээр тогтоол, "Тогтоолд нэмэлт оруулах тухай" Засгийн газрын 1997 оны 10 дугаар сарын 8-ны өдрийн 203 дугаар тогтоол, "Нийтийн аж ахуйн үйлчилгээний салбарыг хувьчлах хөтөлбөр батлах тухай" Засгийн газрын 1999 оны 10 дугаар сарын 6-ны өдрийн 159 дүгээр тогтоолын 3 дугаар зүйл, "Жагсаалтад нэмэлт оруулах тухай" Засгийн газрын 2000 оны 10 дугаар сарын 4-ний өдрийн 154 дүгээр тогтоол, "Тогтоолд нэмэлт оруулах тухай" Засгийн газрын 2001 оны 3 дугаар сарын 13-ны өдрийн 44 дүгээр тогтоолыг тус тус хүчингүй болсонд тооцсугай.

Монгол Улсын Ерөнхий сайд Н.ЭНХБАЯР

Засгийн газрын гишүүн, Засгийн газрын Хэрэг эрхлэх газрын дарга Ө.ЭНХТҮВШИН

/Засгийн газрын 2002 оны 177 дугаар тогтоолоор оруулсан өөрчлөлтийг тусгав./