ЗАСГИЙН ГАЗРЫН ТОГТООЛ (ЗАХИРАМЖ)

ХЭЛЭЛЦЭЭР БАЙГУУЛАХ ТУХАЙ /Бороогийн алт олборлох хамтарсан үйлдвэр/

1992 оны 5 дугаар сарын 6-ны өдөр

Улаанбаатар хот

Дугаар 74

Монгол Улсын Засгийн газраас ТОГТООХ нь:

Бороогийн алт олборлох хамтарсан үйлдвэрийн хэлэлцээрийн төсөлд дараахь үндсэн зарчмуудыг тусгасны үндсэн дээр гарын үсэг зурахыг Засгийн газрын дэргэдэх Уул уурхайн товчоонд зөвшөөрсүгэй.Үүнд:

-хамтарсан үйлдвэрт Монголын талын оролцох хувь хэмжээ 51 хувь байх;

-үйлдвэр ашигтай ажилласнаас хойшхи эхний 2 жилд түүнийг ашгийн татвараас чөлөөлөх;

-ашигт малтмалын нөөц ашигласны төлбөр нь нийт орлогын 4,5 хувьтай тэнцүү байх;

-сонирхлын бүсэд шинээр орд ашиглахад эдийн засгийн бусад нөхцөлүүд адил тэнцүү тохиолдолд хамтарсан үйлдвэр давуу эрх эдлэх;

-хэлэлцээр нь Монгол Улсын Засгийн газар баталсны дараа хүчин төгөлдөр болох.

Монгол улсын Засгийн газрын Тэргүүн шадар сайд Д.ГАНБОЛД

Монгол улсын Засгийн газрын Шадар сайд Ч.ПҮРЭВДОРЖ