ЗАСГИЙН ГАЗРЫН ТОГТООЛ

ХҮНС, ХӨДӨӨ АЖ АХУЙН ЯАМНЫ ҮЙЛ АЖИЛЛАГААНЫ СТРАТЕГИ, БҮТЦИЙН ӨӨРЧЛӨЛТИЙН ХӨТӨЛБӨРИЙГ ЗӨВШӨӨРЧ, ЗОХИОН БАЙГУУЛАЛТЫН БҮТЦИЙГ БАТЛАХ ТУХАЙ

2004 оны 12 дугаар сарын 22-ны өдөр

Улаанбаатар хот

Дугаар 243

Засгийн газрын тухай хуулийн 12 дугаар зүйлийн 4 дэх хэсэг, 24 дүгээр зүйлийн 1 дэх хэсгийн 4 дэх заалт, Яамны эрх зүйн байдлын тухай хуулийн 10.1-ийг үндэслэн Монгол Улсын Засгийн газраас ТОГТООХ нь :

1. Хүнс, хөдөө аж ахуйн яамны үйл ажиллагааны стратеги, зохион байгуулалтын бүтцийн өөрчлөлтийн хөтөлбөрийг хавсралт ёсоор зөвшөөрсүгэй.

2. Хүнс, хөдөө аж ахуйн яамны зохион байгуулалтын бүтцийг дор дурдсанаар баталсугай:

1/ Стратегийн бодлого, төлөвлөлтийн газар /стратегийн бодлогын хэлтэс, хөдөө аж ахуйн тусгай зориулалтын сангийн хэлтэс, төлөвлөлт, санхүүгийн хэлтэстэй/;

2/ Төрийн захиргааны удирдлагын газар;

3/ Бодлогын хэрэгжилтийг зохицуулах газар / мал аж ахуйн хэлтэс, газар тариалан, техник, технологийн хэлтэс, хүнсний хэлтэс, бэлчээр-тариалангийн усжуулалтын хэлтэстэй;

4/ Мэдээлэл, хяналт-шинжилгээ, үнэлгээний газар;

5/ Мал эмнэлгийн газар;

6/ Гадаад хамтын ажиллагааны хэлтэс

3. Хүнс, хөдөө аж ахуйн яамны орон тооны хязгаарыг 72 хүнээр, зардлын төсвийн хязгаарыг 602701,5 /зургаан зуун хоёр сая долоон зуун нэг мянга таван зуун/ мянган төгрөгөөр, цалингийн сангийн хязгаарыг 126668,5 /нэг зуун хорин зургаан сая зургаан зуун жаран найман мянга таван зуун/ мянган төгрөгөөр тогтоосугай.

4. Энэ тогтоол гарсантай холбогдуулан Засгийн газрын 2002 оны 8 дугаар сарын 14-ний өдрийн 162 дугаар тогтоолын хавсралтаар баталсан "Монгол Улсын Засгийн газрын тохируулагч болон хэрэгжүүлэгч агентлагийн жагсаалт"-ын 31 дэх заалтыг хүчингүй болсонд тооцсугай.