ЗАСГИЙН ГАЗРЫН ТОГТООЛ

ЭРҮҮЛ АХУЙ, ХАЛДВАР СУДЛАЛЫН БОЛОН ЭМ, БИОБЭЛДМЭЛ,ЭМЧИЛГЭЭНИЙ ЧАНАРЫН УЛСЫН ХЯНАЛТЫН ДҮРЭМ ШИНЭЧЛЭН БАТЛАХ ТУХАЙ

1999 оны 1 дүгээр сарын 13-ны өдөр

Улаанбаатар хот

Дугаар 5

Эрүүл мэндийн багц хуулийг хэрэгжүүлэх зорилгоор Монгол Улсын Засгийн газраас ТОГТООХ нь:

1."Эрүүл ахуй, халдвар судлалын улсын хяналтын дүрэм"-ийг 1 дүгээр хавсралтын, "Эм, биобэлдмэл, эмчилгээний чанарын улсын хяналтын дүрэм"-ийг 2 дугаар хавсралтын ёсоор тус тус баталсугай.

2.Энэ тогтоол гарсантай холбогдуулан "Эрүүл ахуй, халдвар судлал, эм, биобэлдмэлийн улсын хяналтын дүрэм батлах тухай" Засгийн газрын 1995 оны 10 дугаар сарын 30-ны өдрийн 192 дугаар тогтоол, "Эмчилгээний чанарын улсын хяналтын дүрэм батлах тухай" Засгийн газрын 1995 оны 11 дүгээр сарын 15-ны өдрийн 213 дугаар тогтоолыг тус тус хүчингүй болсонд тооцсугай.

Монгол Улсын Ерөнхий сайд Ж.НАРАНЦАЦРАЛТ

Эрүүл мэнд, нийгмийн хамгааллын сайдын үүрэг гүйцэтгэгч Ш.БАТБАЯР