УЛСЫН ИХ ХУРЛЫН ТОГТООЛ

ГАЗАР ӨМЧЛҮҮЛЭХ АЖЛЫГ ЗОХИОН БАЙГУУЛАХ ҮНДЭСНИЙ ЗӨВЛӨЛ БАЙГУУЛАХ ТУХАЙ /Энэ тогтоолыг Улсын Их Хурлын 2005 оны 35 дугаар тогтоолоор хүчингүй болсонд тооцсон/

2002 оны 7 дугаар сарын 4-ний өдөр

Улаанбаатар хот

Дугаар 40

Монгол Улсын иргэнд газар өмчлүүлэх тухай хууль батлагдсантай холбогдуулан Монгол Улсын Их Хурлаас ТОГТООХ нь:

1. Газар өмчлүүлэх ажлын бэлтгэл хангах, энэхүү ажлыг улсын хэмжээнд зохион байгуулах, хяналт тавих үүрэг бүхий үндэсний зөвлөлийг Монгол Улсын Ерөнхий сайдаар ахлуулан дараахь гишүүдийн бүрэлдэхүүнтэйгээр байгуулсугай:

- Байгаль орчны сайд,

- Санхүү, эдийн засгийн сайд,

- Үйлдвэр, худалдааны сайд,

- Хүнс, хөдөө аж ахуйн сайд,

- Дэд бүтцийн дэд сайд,

- Хууль, зүй дотоод хэргийн дэд сайд,

- Үндэсний статистикийн газрын дарга,

- Төрийн өмчийн хорооны дарга,

- газрын асуудал эрхэлсэн төрийн захиргааны байгууллагын дарга,

- нийслэлийн иргэдийн Төлөөлөгчдийн Хурлын Тэргүүлэгчдийн дарга,

- нийслэлийн Засаг дарга..

2. Аймаг, нийслэлийн хэмжээнд ажиллах салбар зөвлөлийг тухайн шатны Засаг даргаар ахлуулан ажиллуулсугай.

МОНГОЛ УЛСЫН ИХ ХУРЛЫН ДАРГА С. ТӨМӨР-ОЧИР