УЛСЫН ИХ ХУРЛЫН ТОГТООЛ

ЗЭЭЛИЙН ЕРӨНХИЙ ХЭЛЭЛЦЭЭРИЙГ СОЁРХОН БАТАЛСАНТАЙ ХОЛБОГДУУЛАН АВАХ АРГА ХЭМЖЭЭНИЙ ТУХАЙ /Энэ тогтоолыг 2008 оны 12 дугаар сарын 4-ний өдрийн 41 дүгээр тогтоолоор хүчингүй болсонд тооцсон/

2006 оны 06 сарын 09 өдөр

Төрийн ордон. Улаанбаатар хот

Дугаар 49

Монгол Улсын Их Хурлын чуулганы хуралдааны дэгийн 22.6-д заасныг үндэслэн Монгол Улсын Их Хурлаас ТОГТООХ нь:

1. Монгол Улсын Засгийн газар, Бүгд Найрамдах Хятад Ард Улсын Засгийн газар хооронд 2005 оны 11 дүгээр сарын 28-ны өдөр байгуулсан "300.0 сая ам долларын экспортын хөнгөлөлттэй зээлийн ашиглалтын талаархи Зээлийн ерөнхий хэлэлцээр"-ийг Улсын Их Хурлаар соёрхон баталсантай холбогдуулан дараахь арга хэмжээ авч хэрэгжүүлэхийг Засгийн газар /М.Энхболд/-т даалгасугай:

1/ Монгол Улсын Засгийн газраас баталгаа гаргах 60.0 сая ам долларын зээлийн хөрөнгөөр тодорхой үр дүнд хүрэхүйц цөөн тооны төслийг санхүүжүүлэх зарчмыг баримтлах, төслүүдийг Улсын Их Хуралтай зөвшилцөх;

2/ 240.0 сая ам. долларын зээлийн хүрээнд хэрэгжих арга хэмжээг салбар бүрээр Улсын Их Хуралтай зөвшилцөж хэрэгжүүлэх;

3/ Энэхүү хэлэлцээрийн талаархи мэдээллийг нийтэд хүргэх, зээл олгох үйл ажиллагааг нээлттэй, ил тод байдлаар явуулах нөхцөлийг хангах, зээлийн хэрэгжилтэд хяналт тавьж ажиллах.

МОНГОЛ УЛСЫН ИХ ХУРЛЫН ДАРГА Ц.НЯМДОРЖ