УЛСЫН ИХ ХУРЛЫН ТОГТООЛ

2007 оны 12 сарын 20 өдөр

Дугаар 96

Төрийн ордон, Улаанбаатар хот

ИМПОРТЫН БАРААНЫ ГААЛИЙН АЛБАН ТАТВАРЫН ХУВЬ, ХЭМЖЭЭ ТОГТООХ ТУХАЙ

Гаалийн тарифын тухай хуулийн 4 дүгээр зүйлийн 2 дахь хэсгийг үндэслэн Улсын Их Хурлаас ТОГТООХ нь:

1. 2008 оны 11 дүгээр сарын 01-ний өдөр хүртэл импортолсон хүнсний буудай болон энэ хугацаанд импортолсон 40.0 мянган тонн буудайн гурилын гаалийн албан татварын хувь, хэмжээг тэг /"0"/ хувьтай тэнцүү байхаар тогтоосугай. /Энэ заалтад 2008 оны 11 дүгээр сарын 25-ны өдрийн 37 дугаар тогтоолоор өөрчлөлт оруулсан/

2. Энэ тогтоолын 1 дүгээр хэсэгт заасан хугацаа дууссан, эсхүл мөн хэсэгт заасан хэмжээнд хүрснээс хойш энэ тогтоол үйлчлэхгүй.

3.Хилийн боомтуудаар импортлох буудайн гурилын хэмжээг тогтоож, хяналт тавьж ажиллахыг Засгийн газар /С.Баяр/-т даалгасугай.

4. Энэ тогтоолыг батлагдсан өдрөөс буюу 2007 оны 12 дугаар сарын 20-ны өдрөөс эхлэн дагаж мөрдсүгэй.

МОНГОЛ УЛСЫН ИХ ХУРЛЫН ДАРГА Д.ЛҮНДЭЭЖАНЦАН