УЛСЫН ИХ ХУРЛЫН ТОГТООЛ

МОНГОЛ УЛСЫН ТӨР, СҮМ ХИЙДИЙН ХАРИЛЦААНЫ ТУХАЙ ХУУЛИЙГ ДАГАЖ МӨРДӨХ ЖУРМЫН ТУХАЙ

1993 оны 11 дүгээр сарын 19-ний өдөр

Улаанбаатар хот

Дугаар 87

Монгол Улсын Их Хурлаас ТОГТООХ нь:

1."Монгол улсын төр, сүм хийдийн харилцааны тухай хууль" батлагдсантай холбогдуулан даган мөрдөж байгаа хууль тогтоомжийн актуудыг түүнд нийцүүлэх арга хэмжээг 1994 оны 2 дугаар сарын 1-ний дотор авч хэрэгжүүлэхийг Засгийн газар (П.ЖАСРАЙ)-т даалгасугай.

2."Монгол улсын төр, сүм хийдийн харилцааны тухай хууль" батлагдсантай холбогдуулан 24 (1934) оны 12 дугаар сарын 27-ны өдөр хуралдсан Улсын 7 дугаар Их Хурлын 7-ны өдрийн тогтоолын "Төр, шашныг тусгаарлан явуулах тухай хуулийг" баталсан 13 дугаар зүйл, "Төр, шашныг тусгаарласан хуульд оруулах нэмэлтийн тухай" Улсын Бага Хурлын Тэргүүлэгчид, Сайд нарын Зөвлөлийн 26 (1936) оны 2 дугаар сарын 13-ны өдрийн хамтарсан 9 дүгээр хурлын тогтоол, БНМАУ-ын Бага Хурлын Тэргүүлэгчдийн 1944 оны 5 дугаар сарын 22-ны өдөр хуралдсан 34 дүгээр хурлын тогтоол, "Төр, шашныг тусгаарлан явуулах хуулийн зарим зүйлийг хүчингүй болсонд тооцох тухай" БНМАУ-ын Ардын Их Хурлын Тэргүүлэгчдийн 1986 оны 10 дугаар сарын 22-ны өлхмйэ 189 дүгээр тогтоолын 2 дугаар зүйлийг тус тус хүчингүй болсонд тооцсугай.

ДАРГА Н.БАГАБАНДИ