УЛСЫН ИХ ХУРЛЫН ТОГТООЛ

МОНГОЛ УЛСЫН ПАТЕНТИЙН ТУХАЙ ХУУЛИЙГ ДАГАЖ МӨРДӨХ ЖУРМЫН ТУХАЙ

1993 оны 6 дугаар сарын 25-ны өдөр

Улаанбаатар хот

Дугаар 49

Монгол Улсын Их Хурлаас ТОГТООХ нь:

1.Монгол Улсын Патентийн тухай хууль хүчин төгөлдөр болохоос өмнө олгосон шинэ бүтээлийн зохиогчийн гэрчилгээг шинэ бүтээлийн анхдагч огнооноос хойш 20 жил, бүтээгдэхүүний загварын зохиогчийн гэрчилгээг бүтээгдэхүүний загварын анхдагч огнооноос хойш 10 жилийн хугацаа өнгөрөөгүй байвал зохиогч, эсхүл түүнээс эрх шилжүүлэн авсан хувь хүн, хуулийн этгээдийн хүсэлтээр патентаар солихыг зөвшөөрсүгэй.

2.Монгол Улсын Патентын тухай хуульд холбогдолтой журам, зааврыг батлан гаргах, хуулийг хэрэгжүүлэх талаар холбогдох бусад арга хэмжээ авахыг Монгол Улсын Засгийн газар (П.Жасрай)-т даалгасугай.

ДАРГА Н.БАГАБАНДИ ТАМГЫН ГАЗРЫН ЕРӨНХИЙ НАРИЙН БИЧГИЙН ДАРГА Н.РИНЧИНДОРЖ