УЛСЫН ИХ ХУРЛЫН ТОГТООЛ

МОНГОЛ УЛСЫН ҮНДСЭН ХУУЛИЙН ЦЭЦИЙН ТУХАЙ ХУУЛИЙГ ХЭРЭГЖҮҮЛЭХ ЗАРИМ АРГА ХЭМЖЭЭНИЙ ТУХАЙ

1992 оны 5 дугаар сарын 15-ны өдөр

Улаанбаатар хот

Дугаар 34

Монгол Улсын Бага Хурлаас ТОГТООХ нь:

1.Үндсэн хуулийн цэцийн дарга, гурван гишүүнийг /гурван талаас тус бүр нэг/ орон тооны, таван гишүүнийг орон тооны бус байхаар тогтоосугай.

/Энэ хэсэгт Улсын Их Хурлын 1992 оны 19 дүгээр тогтоолоор өөрчлөн найруулсан/

2.Үндсэн хуулийн цэцийн гишүүнээр томилуулах хүний тухай саналаа 1992 оны 6 дугаар сарын 1-ний дотор Улсын Бага Хуралд оруулахыг Улсын Бага Хурлын дарга, Ерөнхийлөгч, Улсын дээд шүүхэд даалгасугай.

3./Энэ хэсгийг Улсын Их Хурлын 1992 оны 20 дугаар тогтоолоор хүчингүй болгосон/

ДАРГА Р.ГОНЧИГДОРЖ