УЛСЫН ИХ ХУРЛЫН ТОГТООЛ

2006 оны 1 дүгээр сарын 28-ны өдөр

Дугаар 17

Төрийн ордон. Улаанбаатар хот

МОНГОЛ УЛСЫН ЗАСГИЙН ГАЗРЫН ГИШҮҮДИЙГ ТОМИЛОХ ТУХАЙ

Монгол Улсын Үндсэн хуулийн хорин тавдугаар зүйлийн 1 дэх хэсгийн 6 дахь заалт, Монгол Улсын Засгийн газрын тухай хуулийн 21 дүгээр зүйлийн 1 дэх заалт, санал хураалтын дүнг үндэслэн Монгол Улсын Их Хурлаас ТОГТООХ нь:

1.Засгийн газрын гишүүн, сайдаар дор дурдсан хүмүүсийг томилсугай:

1/Монгол Улсын Засгийн газрын гишүүн, Монгол Улсын шадар сайдаар Мэндсайханы Энхсайханыг;

2/Монгол Улсын Засгийн газрын гишүүн, Байгаль орчны сайдаар Ичинхорлоогийн Эрдэнэбаатарыг;

3/Монгол Улсын Засгийн газрын гишүүн, Барилга, хот байгуулалтын сайдаар Жанлавын Наранцацралтыг ;

4/Монгол Улсын Засгийн газрын гишүүн, Батлан хамгаалахын сайдаар Мишигийн Сономпилыг;

5/Монгол Улсын Засгийн газрын гишүүн, Боловсрол, соёл, шинжлэх ухааны сайдаар Өлзийсайханы Энхтүвшинг;

6/Монгол Улсын Засгийн газрын гишүүн, Гадаад хэргийн сайдаар Нямаагийн Энхболдыг;

7/Монгол Улсын Засгийн газрын гишүүн, Зам тээвэр, аялал жуулчлалын сайдаар Цэгмидийн Цэнгэлийг;

8/Монгол Улсын Засгийн газрын гишүүн, Нийгмийн хамгаалал, хөдөлмөрийн сайдаар Лувсангийн Одончимэдийг;

9/Монгол Улсын Засгийн газрын гишүүн, Сангийн сайдаар Надмидын Баяртсайханыг;

10/Монгол Улсын Засгийн газрын гишүүн, Түлш, эрчим хүчний сайдаар Бадарчийн Эрдэнэбатыг;

11/Монгол Улсын Засгийн газрын гишүүн, Үйлдвэр, худалдааны сайдаар Базарсадын Жаргалсайханыг;

12/Монгол Улсын Засгийн газрын гишүүн, Хууль зүй, дотоод хэргийн сайдаар Доржийн Одбаярыг;

13/Монгол Улсын Засгийн газрын гишүүн, Хүнс, хөдөө аж ахуйн сайдаар Дэндэвийн Тэрбишдагвыг;

14/Монгол Улсын Засгийн газрын гишүүн, Эрүүл мэндийн сайдаар Ламжавын Гүндалайг;

15/Монгол Улсын Засгийн газрын гишүүн, Монгол Улсын сайд-Засгийн газрын Хэрэг эрхлэх газрын даргаар Сундуйн Батболдыг;

16/Монгол Улсын Засгийн газрын гишүүн, мэргэжлийн хяналтын асуудал эрхэлсэн сайдаар Ухнаагийн Хүрэлсүхийг.

2.Энэ тогтоолыг 2006 оны 01 дүгээр сарын 28-ны өдрөөс эхлэн дагаж мөрдөнө.

МОНГОЛ УЛСЫН ИХ ХУРЛЫН ДАРГА Ц.НЯМДОРЖ