УЛСЫН ИХ ХУРЛЫН ТОГТООЛ

МОНГОЛ УЛСЫН БАТЛАН ХАМГААЛАХ ТУХАЙ ХУУЛЬ, ХИЛИЙН ТУХАЙ ХУУЛЬ БАТЛАГДСАНТАЙ ХОЛБОГДУУЛАН АВАХ ЗАРИМ АРГА ХЭМЖЭЭНИЙ ТУХАЙ

1993 оны 10 дугаар сарын 21-ний өдөр

Улаанбаатар хот

Дугаар 72

Монгол Улсын Их Хурлаас ТОГТООХ нь:

1.Монгол улсын Батлан хамгаалах тухай хууль, Хилийн тухай хууль батлагдсантай холбогдуулан дараахь арга хэмжээ авч хэрэгжүүлэхийг Засгийн газарт даалгасугай:

1)зэвсэгт хүчин, бусад цэргийн бүтэц, зохион байгуулалтыг 1993 онд багтаан Батлан хамгаалах тухай хууль, Хилийн тухай хуульд нийцүүлэн шинэчлэх;

2)батлан хамгаалах үйл ажиллагаа, зэвсэгт хүчин, хилийн цэргийн талаар хүчин төгөлдөр үйлчилж байгаа БНМАУ-ын Сайд нарын Зөвлөл, Монгол улсын Засгийн газрын тогтоол, бусад шийдвэрийг 1994 оны 1 дүгээр сарын 1-ний дотор багтаан эдгээр хуульд нийцүүлэх;

3)Батлан хамгаалах тухай хууль, Хилийн тухай хуульд заасан дүрэм, журам, зааврыг 1994 оны 4 дүгээр сарын 1-ний дотор шинэчлэн, боловсруулж гаргах;

2.Энэ тогтоолын биелэлтэд хяналт тавихыг Гадаад бодлого, аюулгүй байдлын байнгын хороонд даалгасугай.

ДАРГА Н.БАГАБАНДИ ТАМГЫН ГАЗРЫН ЕРӨНХИЙ НАРИЙН БИЧГИЙН ДАРГА Н.РИНЧИНДОРЖ