МОНГОЛ УЛСЫН ИХ ХУРЛЫН ТОГТООЛ

2007 оны 01 сарын 31 өдөр

Дугаар 8

Төрийн ордон. Улаанбаатар хот

ТОГТООЛЫН ХАВСРАЛТАД НЭМЭЛТ ОРУУЛАХ ТУХАЙ

Төрийн албаны тухай хуулийн 5 дугаар зүйлийн 5.4 дэх хэсгийг үндэслэн Монгол Улсын Их Хурлаас ТОГТООХ нь:

1.Улсын Их Хурлын 2002 оны 73 дугаар тогтоолын хавсралтаар баталсан "Төрийн өндөр албан тушаалтны зэрэг зиндаа, түүнтэй адилтгах төрийн албан тушаалтны зэрэглэл"-ийн тусгай албан тушаалын ТӨ-IVА-д "Монгол Улсын Ерөнхий аудитор" гэсний дараа "Авлигатай тэмцэх газрын дарга", ТӨ-VА-д "Сонгуулийн ерөнхий хорооны дарга" гэсний дараа "Авлигатай тэмцэх газрын дэд дарга" гэж тус тус нэмсүгэй.

2.Энэ тогтоолыг 2007 оны 01 дүгээр сарын 01-ний өдрөөс эхлэн дагаж мөрдсүгэй.

МОНГОЛ УЛСЫН ИХ ХУРЛЫН ДАРГА Ц.НЯМДОРЖ