УЛСЫН ИХ ХУРЛЫН ТОГТООЛ

ТӨСВИЙН ТУХАЙ ХУУЛИЙГ ХЭРЭГЖҮҮЛЭХ ЗАРИМ АРГА ХЭМЖЭЭНИЙ ТУХАЙ

1992 оны 12 дугаар сарын 24-ний өдөр

Улаанбаатар хот

Дугаар 40

Монгол Улсын Их Хурлаас ТОГТООХ нь:

1.Монгол Улсын Төсвийн тухай хуулийн 5 дугаар зүйлийн 2 дахь хэсгийн 2-т заасны дагуу улсын төвлөрсөн төсөв, аймаг, нийслэл, сум, дүүргийн төсөвтэй харьцах аж ахуйн нэгж, байгууллагыг 1992 онд багтаан тогтоохыг төсвийн ерөнхийлөн захирагч нарт даалгасугай.

2.Мөн хуулийн 10 дугаар зүйлийн 3 дахь хэсэгт заасан төсвийн хөрөнгийг эргэж төлөгдөх нөхцөлөөр ашиглуулах журмыг 1993 оны 1 улиралд багтаан боловсруулж гаргахыг Засгийн газар /П.Жасрай/-т даалгасугай.

3."БНМАУ-ын Төсвийн эрхийн тухай хуулийг дагаж мөрдөх журмын тухай" БНМАУ-ын Ардын Их Хурлын 1989 оны 6 дугаар сарын 24-ний өдрийн тогтоолыг 1993 оны 1 дүгээр сарын 1-ний өдрөөс эхлэн хүчингүй болсонд тооцсугай.

ДАРГА Н.БАГАБАНДИ