УЛСЫН ИХ ХУРЛЫН ТОГТООЛ

2008 оны 05 сарын 06 өдөр

Дугаар 26

Улаанбаатар хот

ТОГТООЛЫН ХАВСРАЛТАД ӨӨРЧЛӨЛТ ОРУУЛАХ ТУХАЙ /Улсын Их Хурлын 2002 оны 73 дугаар тогтоол/

Төрийн албаны тухай хуулийн 5.4 дэх хэсгийг үндэслэн Монгол Улсын Их Хурлаас ТОГТООХ нь:

1.Улсын Их Хурлын 2002 оны 73 дугаар тогтоолын хавсралтаар баталсан "Төрийн өндөр албан тушаалтны зэрэг зиндаа, түүнтэй адилтгах төрийн албан тушаалтны зэрэглэл"-ийн улс төрийн албан тушаалын ТӨ-VА-аас "Үндэсний аюулгүй байдлын зөвлөлийн нарийн бичгийн дарга," гэснийг хасч тусгай албан тушаалын ТӨ-VА-д "Монгол банкны Ерөнхийлөгч" гэсний өмнө "Үндэсний аюулгүй байдлын зөвлөлийн нарийн бичгийн дарга," гэж нэмсүгэй.

2.Энэ тогтоолыг 2008 оны 5 дугаар сарын 06-ны өдөр батлагдсан Төрийн албаны тухай хуульд нэмэлт, өөрчлөлт оруулах тухай хууль хүчин төгөлдөр болсон өдрөөс эхлэн дагаж мөрдсүгэй.

МОНГОЛ УЛСЫН ИХ ХУРЛЫН ДАРГА Д.ЛҮНДЭЭЖАНЦАН