УЛСЫН ИХ ХУРЛЫН ТОГТООЛ

ТӨРИЙН ТУСГАЙ ХАМГААЛАЛТЫН ТУХАЙ МОНГОЛ УЛСЫН ХУУЛИЙГ ХЭРЭГЖҮҮЛЭХ ЗАРИМ АРГА ХЭМЖЭЭНИЙ ТУХАЙ

1995 оны 4 дүгээр сарын 28-ны өдөр

Улаанбаатар хот

Дугаар 23

Монгол Улсын Их Хурлаас ТОГТООХ нь:

Төрийн тусгай хамгаалалтын тухай Монгол Улсын хууль батлагдсантай холбогдуулан дараахь арга хэмжээ авч хэрэгжүүлэхийг Засгийн газарт даалгасугай:

1/төрийн тусгай хамгаалалтын газрын бүтэц, төрийн тусгай хамгаалалтын хүч хэрэгслийг зохицуулах журам, алба хаагчийн тусгай хамгаалалтын нэмэгдлийг энэ оны 6 дугаар сард багтаан тогтоох;

2/төрийн тусгай хамгаалалтын газрын бэлгэ тэмдэг, түүнийг хэрэглэх журам, төрийн тусгай хамгаалалтад зайлшгүй байх шаардлагатай зүйлийн жагсаалтыг батлах;

3/төрийн тусгай хамгалалтын газрыг зохион байгуулалтын хувьд бэхжүүлэх, ажиллах нөхцөл, шаардлагатай орон тоо, төсөв хөрөнгөөр хангах асуудлыг 1995 оны 6 дугаар сард багтаан шийдвэрлэх.

ДАРГА Н.БАГАБАНДИ