УЛСЫН ИХ ХУРЛЫН ТОГТООЛ

ХУУЛИЙН ЭТГЭЭДИЙН УЛСЫН БҮРТГЭЛИЙН ТУХАЙ ХУУЛИЙГ ХЭРЭГЖҮҮЛЭХ ЗАРИМ АРГА ХЭМЖЭЭНИЙ ТУХАЙ

2003 оны 05 дугаар сарын 23-ны өдөр

Улаанбаатар хот

Дугаар 19

Монгол Улсын Их Хурлаас ТОГТООХ нь:

1.Хуулийн этгээдийн улсын бүртгэлийн тухай хууль батлагдсантай холбогдуулан дор дурдсан арга хэмжээ авч хэрэгжүүлэхийг Засгийн газар /Н.Энхбаяр/-т даалгасугай:

1/ хуулийн этгээдийн улсын бүртгэл, мэдээллийн нэгдсэн сүлжээ байгуулах арга хэмжээ авах;

2/хуулийн этгээдийн улсын бүртгэлийн регистрийн нэгдсэн сан бүрдүүлэх ажлыг Yндэсний татварын ерөнхий газар дээр зохион байгуулах;

3/хуулийн этгээдийн улсын бүртгэлтэй холбоотой асуудлаар Засгийн газар болон төрийн захиргааны байгууллагаас гаргасан шийдвэрийг энэ хуультай нийцүүлэх.

МОНГОЛ УЛСЫН ИХ ХУРЛЫН ДАРГА С.ТӨМӨР-ОЧИР