УЛСЫН ИХ ХУРЛЫН ТОГТООЛ

Үндэсний статистикийн хорооны зөвлөлийн бүрэлдэхүүнийг шинэчлэн батлах тухай

2009 оны 06 сарын 25 өдөр

Төрийн ордон, Улаанбаатар хот

Дугаар 48

Статистикийн тухай хуулийн 14 дүгээр зүйлийн 3 дахь хэсгийг үндэслэн Монгол Улсын Их Хурлаас ТОГТООХ нь:

1.Үндэсний статистикийн хорооны зөвлөлийн бүрэлдэхүүнийг дор дурдсанаар шинэчлэн баталсугай:

1/ Монголбанкны Дэд ерөнхийлөгч;

2/ Ерөнхий сайдын Эдийн засгийн бодлогын зөвлөх;

3/ Сангийн яамны Төрийн нарийн бичгийн дарга;

4/ Үндэсний хөгжил, шинэтгэлийн хорооны дарга;

5/ Улсын Их Хурлын Эдийн засгийн байнгын хорооны ажлын албаны зөвлөх;

6/ Монголын үндэсний худалдаа, аж үйлдвэрийн танхимын дарга.

2.Энэ тогтоол батлагдсантай холбогдуулан "Үндэсний статистикийн газрын зөвлөлийн бүрэлдэхүүнийг батлах тухай" Улсын Их Хурлын 2004 оны 12 дугаар сарын 09-ний өдрийн 33 дугаар тогтоолыг хүчингүй болсонд тооцсугай.

3.Энэ тогтоолыг батлагдсан өдрөөс нь эхлэн дагаж мөрдсүгэй.

МОНГОЛ УЛСЫН ИХ ХУРЛЫН ДАРГА Д.ДЭМБЭРЭЛ