УЛСЫН ИХ ХУРЛЫН ТОГТООЛ

2009 оны 05 сарын 14 өдөр

Дугаар 38

Төрийн ордон, Улаанбаатар хот

ҮНДСЭН ЧИГЛЭЛ БАТЛАХ ТУХАЙ /Монгол Улсын хууль тогтоомжийг 2012 он хүртэл боловсронгуй болгох/

Хууль, Улсын Их Хурлын бусад шийдвэрийн төсөл боловсруулах, өргөн мэдүүлэх журмын тухай хуулийн 4 дүгээр зүйлийн 4.4 дэх хэсгийг үндэслэн Монгол Улсын Их Хурлаас ТОГТООХ нь:

1."Монгол Улсын хууль тогтоомжийг 2012 он хүртэл боловсронгуй болгох Үндсэн чиглэл"-ийг хавсралтаар баталсугай.

2.Цаг үеийн зайлшгүй шаардлагатай хууль, Улсын Их Хурлын тогтоолын төслийг энэ тогтоолын 1 дэх заалтад заасан үндсэн чиглэлд тусгагдсан эсэхийг харгалзалгүйгээр Улсын Их Хуралд өргөн мэдүүлж хэлэлцүүлж байхыг Засгийн газар /С.Баяр/-т үүрэг болгосугай.

3."Монгол Улсын хууль тогтоомжийг 2012 он хүртэл боловсронгуй болгох Үндсэн чиглэл"-ийн биелэлтийг зохион байгуулж, хэрэгжилтэд хяналт тавьж ажиллахыг Засгийн газар /С.Баяр/, холбогдох Байнгын хороодын дарга нарт даалгасугай.

МОНГОЛ УЛСЫН ИХ ХУРЛЫН ДАРГА Д.ДЭМБЭРЭЛ