УЛСЫН ИХ ХУРЛЫН ТОГТООЛ

ҮНЭТ ЦААСНЫ ТУХАЙ ХУУЛИЙГ ХЭРЭГЖҮҮЛЭХ ЗАРИМ АРГА ХЭМЖЭЭНИЙ ТУХАЙ

1994 оны 9 дүгээр сарын 26-ны өдөр

Улаанбаатар хот

Дугаар 72

Монгол Улсын Их Хурлаас ТОГТООХ нь:

1.Үнэт цаасны тухай хууль батлагдсантай холбогдуулан дараахь арга хэмжээ авч хэрэгжүүлэхийг Засгийн газарт даалгасугай:

1/үнэт цаасны хоёрдогч зах заал бий болгохтой холбогдсон бэлтгэл ажлыг энэ онд багтаан тусгай хөтөлбөрийн дагуу хийх;

2/үйл ажиллагаагаа нэгэнт явуулж байгаа хөрөнгийн бирж болон брокерийн пүүсүүдийг Үнэт цаасны тухай хуулийн дагуу өөрчлөн зохион байгуулах асуудлыг 1994 оны 11 дүгээр сарын 1-ний дотор багтаан шийдвэрлэх;

3/Үнэт цаасны хорооны дүрмийн төслийг 1994 оны 11 дүгээр сарын 1-ний дотор өргөн мэдүүлэх.

2.Үнэт цаасны хорооны дарга, гишүүдэд томилуулах хүмүүсийн талаархи саналаа 1994 оны 11 дүгээр сарын 1-ний дотор Улсын Их Хуралд өргөн мэдүүлэхийг Улсын Их Хурлын Эдийн засгийн хөгжил, дэд бүтцийн бодлогын байнгын хороо (Г.Цэдэндагва)-нд болон Монгол Улсын Ерөнхий сайд П.Жасрай, Сангийн сайд Д.Даваасамбуу, Монголбанкны Ерөнхийлөгч Д.Моломжамц нарт тус тус даалгасугай.

ДАРГА Н.БАГАБАНДИ