/Энэ хуулийг 2002 оны 7 дугаар сарын 4-ний өдрийн хуулиар хүчингүйд тооцсон./

МОНГОЛ УЛСЫН ХУУЛЬ

1995 оны 6 дугаар сарын 30-ны өдөр

Улаанбаатар хот

НӨХӨРЛӨЛ, КОМПАНИЙН ТУХАЙ БОЛОН ХОРШООНЫ ТУХАЙ ХУУЛИЙГ ДАГАЖ МӨРДӨХ ЖУРМЫН ТУХАЙ

1.Нөхөрлөл, компанийн тухай болон Хоршооны тухай хуулийг эдгээр хууль хүчин төгөлдөр болсон өдрөөс хойш үүсэн байгуулагдсан нөхөрлөл, компани, хоршоо дагаж мөрдөнө.

2.Аж ахуйн нэгжийн тухай хуулийн дагуу байгуулагдан ажиллаж байгаа хоршоо, компани нь Нөхөрлөл, компанийн тухай болон Хоршооны тухай хуулийн дагуу тус тус гэрээ, дүрмээ шинэчлэн өөрчилж, уг өөрчлөлтөө улсын бүртгэлд бүртгүүлэх хүртэлх хугацаанд Аж ахуйн нэгжийн тухай хуулийн зохих заалтыг дагаж мөрдөнө.

1.Аж ахуйн нэгжийн тухай хуулийн дагуу байгуулагдан ажиллаж байгаа хоршоо, компани нь өөрийн гэрээ, дүрэмдээ Нөхөрлөл, компанийн тухай болон Хоршооны тухай хуульд нийцүүлэн зохих нэмэлт, өөрчлөлт оруулж, уг нэмэлт, өөрчлөлтийг улсын бүртгэлд бүртгүүлнэ.

2.Энэ зүйлийн 1 дэх хэсэгт заасан хоршоо, компани Иргэний хууль, Нөхөрлөл, компанийн тухай хууль болон Хоршооны тухай хуулийн дагуу хуулийн этгээдийн хувьд өөрчлөн байгуулагдвал улсын бүртгэлд шинээр бүртгүүлнэ.

3.Энэ зүйлийн 2 дахь хэсэгт заасны дагуу улсын бүртгэлд шинээр бүртгүүлэх нөхөрлөл, компани, хоршоог улсын тэмдэгтийн хураамжаас чөлөөлнө.

1.Гэрээ, дүрмээ шинэчилсэн буюу өөрчлөн байгуулагдсан аж ахуйн нэгжүүд энэхүү өөрчлөлтөө 1996 оны 9 дүгээр сарын 1-ний дотор улсын бүртгэлд бүртгүүлнэ.

2.Энэ зүйлийн 1 дэх хэсэгт заасан хугацааны дотор улсын бүртгэлд бүртгүүлээгүй хоршоо, компанийг эрх бүхий байгууллага татан буулгаж, улсын бүртгэлээс хасна.

1.Үйл ажиллагаагаа хэвээр үргэлжлүүлж байгаа болон өөрчлөн байгуулагдаж байгаа аж ахуйн нэгжүүд энэ хуулийн 2 дугаар зүйлд заасны дагуу бүртгүүлэхийн өмнө үндсэн хөрөнгийнхөө дахин үнэлгээг засгийн газраас баталсан аргачлал, журмын дагуу хийнэ. Энэхүү үнэлгээнд үндэслэн гишүүдийн эзэмшиж буй хувь хөрөнгийн хэмжээг шинэчлэн тогтооно.

2.Энэ хуулийн 2 дугаар зүйлийн 1 дэх хэсэгт заасны дагуу гэрээ, дүрэмдээ зохих нэмэлт, өөрчлөлт оруулж, улсын бүртгэлд бүртгүүлсэн боловч дүрмийн сан нь Нөхөрлөл, компанийн тухай хуульд заасан хэмжээнд хүрээгүй компанийн дүрмийн санг бүрдүүлэх хугацааг 1998 оны 1 дүгээр сарын 1-ний өдрөөр тогтооно. Энэхүү хугацаанд багтааж дүрмийн сангаа бүрдүүлээгүй компанийг эрх бүхий байгууллага татан буулгаж, улсын бүртгэлээс хасна.

1.Энэ хуулийн 1 дүгээр зүйлийн 2 дахь хэсэгт заасны дагуу өөрчлөн байгуулагдаж байгаа хоршоо, компанийн байгуулсан гэрээ хэлцэл, төлбөр тооцоотой холбогдсон эрх, үүрэг ийнхүү шинээр өөрчлөн байгуулагдсан нөхөрлөл, компани, хоршоонд шилжинэ.

2.Нөхөрлөл, компанийн тухай хуулийн 33 дугаар зүйлийн 3 дахь хэсгийн 4, 42 дугаар зүйлийн 2 дахь хэсгийн 7-д заасан хянан шалгагч /хянан шалгагчдын зөвлөл/-аар 1998 оны 1 дүгээр сарын 1 хүртэл мэргэжлийн нягтлан бодогчийг сонгож болно.

МОНГОЛ УЛСЫН ИХ ХУРЛЫН ДАРГА Н.БАГАБАНДИ