УЛСЫН ДЭЭД ШҮҮХИЙН ТОГТООЛ

1995 оны 08 дугаар сарын 31-ний өдөр

Дугаар 245
 

Улаанбаатар хот

1.Төрийн албаны тухай хуулийн 27 дугаар зүйлийн 1 дэх хэсгийн 10 дахь заалтын "Гэр бүлээс нь их, дээд, мэргэжлийн сургуульд элссэн нэг хүүхэд" гэдэгт төрийн улс төрийн, захиргааны,тусгай болон үйлчилгээний албан тушаал эрхэлж байгаа иргэний гэр бүлийн гишүүн болох төрсөн буюу үрчилж авсан хүүхдүүдээс боловсролын асуудал эрхэлсэн төрийн захиргааны төв байгууллагаас зөвшөөрөл авсан өмчийн аль ч хэлбэрийн их, дээд болон мэргэжлийн сургуульд элсэн суралцах эрхийг тогтоосон журмын дагуу олж авсан зөвхөн нэг хүүхэд хамаарна.

2.Мөн зүйл,хэсгийн "… сургалтын зардлыг дотоодын их,дээд, мэргэжлийн сургуулийн тус тус жишгээр тооцож төр хариуцах" гэдэгт Төрийн албаны тухай хууль хүчин төгөлдөр болсон 1995 оны 6 дугаар сарын 1-нээс хойш их дээд болон мэргэжлийн сургуульд суралцаж байгаа хүүхдийн сургалтын шууд зардлыг тухайн иргэн төрийн албан тушаал эрхэлж байгаа бөгөөд түүний хүүхэд тухайн сургуульд суралцаж байгаа хугацаанд улсын төсвөөс буцалтгүй хэлбэрээр санхүүжүүлэхийг ойлгоно.

ЕРӨНХИЙ ШҮҮГЧ Д.ДЭМБЭРЭЛЦЭРЭН