ГААЛИЙН ЕРӨНХИЙ ГАЗРЫН ДАРГЫН ТУШААЛ

ЖУРАМ БАТЛАХ ТУХАЙ /Гаалийн зуучлагчийн үйл ажиллагааны журам/ - /Уг тушаалыг ГЕГ-ын даргын 2008 оны 674 дүгээр тушаалаар хүчингүй болсонд тооцсон/

2001 оны 02 дугаар сарын 06-ны өдөр

Улаанбаатар хот

Дугаар 79

Монгол Улсын Гаалийн тухай хуулийн 11 дүгээр зүйлийн 2 дахь хэсэг, Гаалийн ерөнхий газрын Мэргэжлийн зөвлөлийн 2001 оны 01 дүгээр сарын 25-ны өдрийн хурлын шийдвэрийг үндэслэн ТУШААХ нь:

1.Гаалийн зуучлагчийн үйл ажиллагааны журам-ыг хавсралт ёсоор баталсугай.

2.Гаалийн зуучлагчийн аттестатчллыг 2 жил тутам нэгээс доошгүй удаа явуулж байхыг Дэд дарга Ж.Батбаяр-д даалгасугай.

3.Энэ журмыг сурталчлах, хэрэгжилтийг зохион байгуулж, биелэлтэд хяналт тавьж ажиллахыг Гаалийн хяналт, шалгалтын хэлтэс Ч.Энхтуяа, гаалийн бүртгэгдсэн мэргэжилтний сургалт зохион байгуулж байхыг Удирдлага, зохицуулалтын хэлтэс Ж.Батсуурь-т тус тус даалгасугай.

4.Энэ тушаалыг 2001 оны 03 дугаар сарын 01-ний өдрөөс эхлэн дагаж мөрдсүгэй.

5.Энэ тушаал гарсантай холбогдуулан Журам батлах тухай Монгол Улсын гаалийн ерөнхий газрын даргын 1999 оны 161 дүгээр тушаалыг хүчингүй болсонд тооцсугай.

ДАРГА Х.БААТАР