ШҮҮХИЙН ШИЙДВЭР ГҮЙЦЭТГЭХ ЕРӨНХИЙ ГАЗРЫН ДАРГЫН ТУШААЛ

ЖУРАМ БАТЛАХ ТУХАЙ /2010 оны А/73 дугаар тушаалаар хүчингүй болсон/

2007 оны 01 сарын 24 өдөр

Улаанбаатар хот

Дугаар А/12

Шүүхийн шийдвэр гүйцэтгэх тухай Монгол Улсын хуулийн 6 дугаар зүйлийн 6.1.3 дахь заалтыг үндэслэн ТУШААХ нь:

1."Ялтанд шагналын хоног олгох, ялаас хугацааны өмнө тэнсэн суллах, ял эдэлж байгаа дэглэмийг өөрчлөхөд мөрдөх журам"-ыг хавсралтаар баталсугай.

2."Ялтанд шагналын хоног олгох, ялаас хугацааны өмнө тэнсэн суллах, ял эдэлж байгаа дэглэмийг өөрчлөхөд мөрдөх журам"-ыг өдөр тутмын үйл ажиллагаандаа мөрдөж ажиллахыг Хорих анги, Шүүхийн шийдвэр гүйцэтгэх албаны дарга нарт үүрэг болгосугай.

3.Энэхүү журмын хэрэгжилтэд хяналт тавьж ажиллахыг Тогтоол гүйцэтгэх газар /хурандаа Х.Уламбаяр/-т даалгасугай.

4.Тушаал гарсантай холбогдуулан Шүүхийн шийдвэр биелүүлэх ерөнхий газрын даргын 2001 оны 05 дугаар сарын 18-ны өдрийн А/71 дүгээр тушаалыг хүчингүйд тооцсугай.

ДАРГА, ХУРАНДАА Д.БАТЖАРГАЛ