БАЯН-ӨЛГИЙ АЙМГИЙН ЗАСАГ ДАРГЫН ЗАХИРАМЖ

ХАЛААЛТЫН ХУГАЦАА ТОГТООХ ТУХАЙ /2009 оны 359 захирамжаар хүчингүй болсон/

2006 оны 10 дугаар сарын 13-ны өдөр

Өлгий

Дугаар 339

Эрчим хүчний тухай хуулийн 7.2 дугаар заалт, аймгийн хөдөлмөрчдөөс гарч байгаа санал хүсэлтийг үндэслэн ЗАХИРАМЖЛАХ НЬ:

1. Цаг агаарын эрс тэс уур амьсгал, иргэдийн эрүүл ахуйн шаардлагыг харгалзан халаалтын хугацааг 2007 оноос эхлэн 9 дүгээр сарын 15-наас 5 дугаар сарын 15-ыг хүртэл 8 сараар тогтоосугай.

2. Халаалт өгөх хугацааг 8 сараар тогтоосонтой холбогдуулан 2007 оны төсвийн төсөлд халаалтын зардлыг бүрэн тусгуулах арга хэмжээ авахыг Санхүү, эдийн засгийн бодлого зохицуулалтын хэлтэс /М.Даку/, Боловсрол соёлын газар /Т.Тогтархан/, Эрүүл мэндийн газар /А.Батай/, төсөвт албан байгууллагын захирал, эрх баригчдад даалгасугай.

3. Энэ захирамж гарсантай холбогдуулан аймгийн Засаг даргын 2001 оны 131 дүгээр захирамжийг хүчингүй болсонд тооцсугай.

ЗАСАГ ДАРГА О.ХАБСАТАР