ХХААС-ын 2007 оны 140 тушаалаар хүчингүй болгосон

МОНГОЛ УЛСЫН ХҮНС, ХӨДӨӨ АЖ АХУЙН САЙДЫН ТУШААЛ

БУУДАЙН ЖИШИГ ҮНЭ ТОГТООХ ТУХАЙ

2001 оны 09 дүгээр сарын 17-ны өдөр

Улаанбаатар хот

Дугаар А/126

Засгийн газрын хуралдааны 2001 оны 45 дугаар тэмдэглэлийг үндэслэн ТУШААХ нь:

1. 2001 оны намрын ургацаас улсын нөөц болон "Буудай" санд авах стандартын шаардлага хангасан 1 тонн хүнсний буудайн жишиг үнийг 125,0 /нэг зуун хорин тав/ мянган төгрөгөөр, улсын нөөцөд авах 1 тонн сортын үрийн буудайн жишиг үнийг 160,0 /нэг зуун жар/ мянган төгрөгөөр, 2001 оны хавар импортоор үр авч үржүүлсэн аж ахуйн нэгжүүдийн сортын буудайн үрийн үнийг 170,0 /нэг зуун дал/ мянган төгрөгөөр тус тус тогтоосугай.

2. " Буудай" санд авах хүнсний буудайн болон үрийн буудайны чанарыг үнэлэх журам"-ыг хавсралтаар баталсугай. /2007 оны 140 тушаалаар хүчингүй болгосон/

3. Улсын нөөцөд авах үрэнд Стандартчилал, хэмжил зүйн үндэсний төвийн зөвлөлийн 2001 оны 30 дугаар тогтоолоор батлагдсан улсын стандартыг мөрдөхийг Улсын нөөцийн газар /Ж.Бямбаноров/-т үүрэг болгосугай.

4. Улсын нөөцийн болон "Буудай" сангийн авалгад зөвхөн чанарын шаардлага хангасан үрийн болон хүнсний буудай хүлээн авч нөөцлөхийг Бодлогын хэрэгжилтийг зохицуулах газар /Д.Нэргүй/, Улсын нөөцийн газар /Ж.Бямбаноров/-т даалгасугай.

САЙД Д.НАСАНЖАРГАЛ

2003 оны 7 дугаар сарын 18-ны өдөр улсын бүртгэлийн 2195 дугаарт бүртгэсэн