МОНГОЛ УЛСЫН ДЭД БҮТЦИЙН ХӨГЖЛИЙН САЙДЫН ТУШААЛ

ДҮРЭМ БАТЛАХ ТУХАЙ /Барилга байгууламжийг байнгын ашиглалтад оруулах дүрэм/

1994 оны 05 дугаар сарын 20-ны өдөр

Улаанбаатар хот

Дугаар 141

Монгол улсын Засгийн газрын 1994 оны 60 дугаар тогтоолыг үндэслэн ТУШААХ нь:

1. "Барилга байгууламжийг байнгын ашиглалтад оруулах дүрэм" /БНбД/-ийг хавсралтын ёсоор баталж, 1994 оны 6 дугаар сарын 1-нээс эхлэн мөрдүүлсүгэй.

2. "Барилга байгууламжийг байнгын ашиглалтад оруулах дүрэм"-ийг шинээр гарсан хууль, тогтоомжуудтай нийцүүлэн боловсронгуй болгох арга хэмжээ авч байхыг барилга, техник, ашиглалтын хяналтын газар /н.Лхагваа/-т даалгасугай.

3. Энэхүү тушаал гарсантай холбогдуулан "Журам батлах тухай" Барилга, хот байгуулалтын комиссын 1991 оны 36 дугаар тогтоолыг хүчингүй болсонд тооцсугай.

САЙД Р.САНДАЛХАН

1994 оны 7 дугаар сарын 26-ны өдөр улсын бүртгэлийн 688 дугаарт бүртгэсэн.