МОНГОЛ УЛСЫН САНХҮҮ, ЭДИЙН ЗАСГИЙН САЙДЫН ТУШААЛ

ЖУРАМ БАТЛАХ ТУХАЙ / Аж ахуйн нэгж, төсөвт байгууллагуудад Нягтлан бодох бүртгэлийн олон улсын стандарт нэвтрүүлсэн тухай гэрчилгээ олгох журам / - /Уг тушаалыг Сангийн сайдын 2007 оны 161 дүгээр тушаалаар хүчингүй болсонд тооцсон/

2002 оны 07 сарын 08-ны өдөр

Улаанбаатар хот

Дугаар 196

Монгол Улсын "Нягтлан бодох бүртгэлийн тухай" хуулийн 22 дугаар зүйлийн 2 дугаар заалт, Монгол Улсын Засгийн газрын 11 дүгээр тогтоолыг хэрэгжүүлэх зорилгоор ТУШААХ нь:

1. "Аж ахуйн нэгж, төсөвт байгууллагуудад Нягтлан бодох бүртгэлийн олон улсын стандарт нэвтрүүлсэн тухай гэрчилгээ олгох журам"-ыг хавсралтаар баталсугай.

2. Энэ тушаалын биелэлтэд хяналт тавьж ажиллахыг Нягтлан бодох бүртгэлийн бодлого, арга зүй, хяналтын газар /Л.Дондог/, Мэдээлэл, хяналт шинжилгээ, үнэлгээний газар /О.Ганбат/-д даалгасугай.

3. Энэ тушаал батлагдсантай холбогдуулан Сангийн сайдын 1998 оны 65 дугаар тушаалыг хүчингүй болсонд тооцсугай.

САЙД Ч.УЛААН

2003 оны 5 дугаар сарын 21-ний өдөр улсын бүртгэлийн 2036 дугаарт бүртгэсэн