МОНГОЛ УЛСЫН ЭРҮҮЛ МЭНДИЙН САЙДЫН ТУШААЛ

2002 оны 8 дугаар сарын 15-ны өдөр

Улаанбаатар хот

Дугаар 201

ДЭМБ-ын Полиомиелит өвчнийг устгах хөтөлбөрийн 2001-2005 оны стратеги төлөвлөгөөнд туссан төгсгөлийн шатны үйл ажиллагаа болон Халдварт өвчинтэй тэмцэх үндэсний хөтөлбөрийг хэрэгжүүлэх, цочмог сул саажилтын тандалтыг эрчимжүүлэх зорилгоор ТУШААХ НЬ:

Нэг. Цочмог сул саажилт (ЦСС)-ыг тандах журмыг нэгдүгээр, ЦСС-тай өвчтөнөөс вирус судлалын шинжилгээний сорьц цуглуулах, хадгалах, тээвэрлэх журмыг хоёрдугаар, ЦСС болон дархлаажуулалт бүхий халдварт өвчнийг утсаар мэдээлэх маягтыг гуравдугаар, ЦСС-ыг тандалтын түүхийг дөрөвдүгээр, ЦСС-ын идэвхтэй тандалтын мэдээний хүснэгтийг тавдугаар хавсралтын ёсоор.тус тус баталсугай.

Хоёр. Энэхүү журмыг хэрэгжүүлэх арга хэмжээг зохион байгуулахыг Халдварт Өвчин Судлалын Үндэсний Төв /Д.Бат-очир/, Аймаг, нийслэлийн Эрүүл мэндийн газрын дарга, бүх эмнэлэг, эрүүл мэндийн байгууллагуудын дарга, захирал нарт даалгасугай.

Гурав. Аймаг, нийслэлийн Эрүүл мэндийн газрын дарга нарт даалгах нь:

а/ ЦСС болон дархлаажуулалт бүхий халдварт өвчний мэдээг сум, дүүрэг өрхийн эмнэлгээс долоо хоног бүр утсаар тогтмол авч нэгтгэн Халдварт өвчин судлалын үндэсний төвд мэдээлэх,

б/ Энэ арга хэмжээнд шаардагдах зардлыг жил бүрийн төсөвтөө тусгах.

Дөрөв. Халдварт өвчин судлалын үндэсний төв /Д.Бат-очир/-д даалгах нь:

а/ ЦСС болон дархлаажуулалт бүхий халдварт өвчний мэдээг аймгийн Эрүүл мэндийн газрын халдвар судлагч эмчээс долоо хоног бүр утсаар авч нэгтгэн дараа долоо хоногийн Лхагва гаригт багтаан ЭМЯ-ны Бодлогын хэрэгжүүлэх газарт мэдээлэх,

б/Аймаг, нийслэлийн ЦСС-ын тандалтын явцыг ДЭМБ-ын тандалтын шалгуур үзүүлэлтийн дагуу хагас жил тутам үнэлгээ өгч шалгуур үзүүлэлтийг хангаагүй тохиолдолд жилд нэг удаа эргэмж судалгаа хийх.

Тав. ДЭМБ-аас жил бүр явуулдаг Полиомиелитын үндэсний лабораторийн итгэмжлэлд 80 хувиас дээш оноо авах зохион байгуулалтын арга хэмжээ авахыг Нийгмийн эрүүл мэндийн хүрээлэн /Л.Нарантуяа/-д даалгасугай.

Зургаа. Гадаад орчин дахь полиовирусийн орчлыг лабораторийн аргаар харуулдан тандах судалгаа хийхийг Нийгмийн эрүүл мэндийн хүрээлэн /Л.Нарантуяа/, судалгааны захиалгыг Шинжлэх ухаан, технологийн санд тавьж шийдвэрлүүлэхийг Стратегийн төлөвлөлтийн газар / Д.Чимэддагва/-т тус тус даалгасугай.

Долоо.Энэ тушаалын хэрэгжилтэд хяналт тавьж ажиллахыг Бодлогын хэрэгжилтийг зохицуулах газар / Т.Эрхэмбаатар/-т даалгасугай.

Найм. Энэхүү тушаал гарсантай холбогдуулан Эрүүл мэндийн сайдын 1996 оны А/05 тоот тушаалыг хүчингүй болсонд тооцсугай.

САЙД П.НЯМДАВАА

2003 оны 3 дугаар сарын 4-ний өдөр улсын бүртгэлийн 1962 дугаарт бүртгэсэн.