ХҮНС, ХӨДӨӨ АЖ АХУЙН САЙДЫН ТУШААЛ

ЖАГСААЛТ, ЗААВАР БАТЛАХ ТУХАЙ /ХХААХҮС-ын 2009 оны 261 дүгээр тушаалаар хүчингүй болсонд тооцсон /

2005 оны 06 дугаар сарын 31-ний өдөр

Улаанбаатар хот

Дугаар 116

Монгол Улсын "Эмийн тухай" хуулийн 4.3 дахь заалтыг хэрэгжүүлэх, мал эмнэлгийн эмийн хангамжийг сайжруулах зорилгоор ТУШААХ нь:

1. "Мал эмнэлгийн зайлшгүй шаардлагатай эм болон эмнэлгийн хэрэгслийн жагсаалт"-ыг 1 дүгээр, "Мал эмнэлгийн эмийг жороор олгох заавар, жорын маягт"-ыг 2 дугаар хавсралтаар тустус баталсугай.

2. Мал эмнэлгийн зайлшгүй шаардлагатай эмийн лавлахыг 2005-2007 онд багтаан боловсруулж, мал эмнэлгийн байгууллагыг өргөн хэрэглээний эмээр тасралтгүй, жигд хангах нөхцөлийг бүрдүүлж ажиллахыг Мал эмнэлгийн газар / Д.Оргил /-т үүрэг болгосугай.

САЙД Д.ТЭРБИШДАГВА

Улсын бүртгэлд 2006 оны 09 дүгээр сарын 16-ны өдрийн 2554 дугаарт бүртгэсэн