МОНГОЛ УЛСЫН ХУУЛЬ ЗҮЙ, ДОТООД ХЭРГИЙН САЙДЫН ТУШААЛ

Хууль зүйн сайдын 2013 оны А/131 дүгээр тушаалаар хүчингүйд тооцсон

ЖУРАМ БАТЛАХ ТУХАЙ / Албадан ажил хийлгэх ял оногдуулсан шүүхийн шийтгэх тогтоолыг гүйцэтгэхэд хяналт тавих журам /

2002 оны 12 дугаар сарын 2-ны өдөр

Улаанбаатар хот

Дугаар 276

Шүүхийн шийдвэр гүйцэтгэх тухай хуулийн 96 дугаар зүйлийн 8-ыг үндэслэн Улсын ерөнхий прокурортой зөвшилцсөний дагуу ТУШААХ НЬ:

1. "Албадан ажил хийлгэх ял оногдуулсан шүүхийн шийтгэх тогтоолыг гүйцэтгэхэд хяналт тавих журам"-ыг хавсралт ёсоор баталсугай.

2. Энэхүү журмыг 2002 оны 12 дугаар сарын 05-ны өдрөөс эхлэн мөрдөж биелэлтэд нь хяналт тавьж ажиллахыг Шүүхийн шийдвэр биелүүлэх ерөнхий газар /хурандаа Ж.Чойжанцан/-д даалгасугай.

САЙД Ц.НЯМДОРЖ