МОНГОЛ УЛСЫН ЭРҮҮЛ МЭНДИЙН САЙДЫН ТУШААЛ

ЭМИЙН УЛСЫН БҮРТГЭЛИЙН ДҮРМИЙГ ШИНЭЧЛЭН БАТЛАХ ТУХАЙ /2007 оны 38-р тушаалаар хүчингүй/

2003 оны 7 дугаар сарын 7-ны өдөр

Улаанбаатар хот

Дугаар 177

Монгол Улсын Их Хурлын 2002 оны 68 дугаар тогтоолоор батлагдсан "Эмийн талаар төрөөс баримтлах бодлого"-ын хэрэгжилтийг хангах зорилгоор "Эмийн тухай" хуулийн 15 дугаар зүйлийн 2 дахь заалтыг үндэслэн ТУШААХ нь:

1. "Эмийн улсын бүртгэлийн дүрэм"-ийг 1 дүгээр, "Бүртгэлийн гэрчилгээний загвар"-ыг 2 дугаар, "Эм бүртгүүлэх өргөдөл"-ийн маягтыг 3 дугаар, "Эмийн бүртгэлийн дугаарын загвар"-ыг 4 дүгээр хавсралт ёсоор тус тус шинэчлэн баталж, 2003 оны 7 дугаар сарын 1-нээс эхлэн мөрдсүгэй.

2. "Эмийн бүртгэлийн дугаарын загвар"-ын дагуу бүртгэгдсэн эмийн дугаарыг 2003 онд багтаан шинэчлэхийг Эмнэлгийн тусламжийг удирдах газар (С. Дуламсүрэн), Эмийн зөвлөл (Т.Эрхэмбаатар)-д даалгасугай.

3. Энэхүү тушаалын хэрэгжилтэд хяналт тавьж ажиллахыг Мэдээлэл, хяналт-шинжилгээ үнэлгээний газар (Б. Баярт)-т үүрэг болгосугай.

4. Энэ тушаал батлагдсантай холбогдуулан Эрүүл мэндийн сайдын 2001 оны 169 дүгээр тушаалын 1 дүгээр хавсралтыг хүчингүй болсонд тооцсугай.

2003 оны 7 дугаар сарын 17-ны өдөр улсын бүртгэлийн 2189 дугаарт бүртгэсэн.