МОНГОЛ УЛСЫН ЗАСГИЙН ГАЗРЫН ТОГТООЛ

2012 оны 12 дугаар сарын 22-ны өдөр

Дугаар 196

Улаанбаатар хот

ТОГТООЛД НЭМЭЛТ ОРУУЛАХ ТУХАЙ

Мэргэжлийн боловсрол, сургалтын тухай хуулийн 6.4-т заасныг үндэслэн Монгол Улсын Засгийн газраас ТОГТООХ нь:

1. Мэргэжлийн боловсрол, сургалтын үндэсний зөвлөлийн бүрэлдэхүүнийг Засгийн газрын 2012 оны 98 дугаар тогтоолын 18¹дүгээр хавсралт болгон баталсугай.

2. Мөн тогтоолын тогтоох хэсгийн "Химийн хорт болон аюултай бодисын тухай хуулийн 6.2," гэсний дараа "Мэргэжлийн боловсрол, сургалтын тухай хуулийн 6.4," гэж, 1 дүгээр зүйлийн "Химийн хорт болон аюултай бодисын бодлого, зохицуулалтын асуудал эрхэлсэн үндэсний зөвлөлийн бүрэлдэхүүнийг 18 дугаар" гэсний дараа ", Мэргэжлийн боловсрол, сургалтын үндэсний зөвлөлийн бүрэлдэхүүнийг 18¹дүгээр" гэж тус тус нэмсүгэй.

3. Энэ тогтоол гарсантай холбогдуулан "Мэргэжлийн боловсрол, сургалтын үндэсний зөвлөлийн бүрэлдэхүүн батлах тухай" 2011 оны 11 дүгээр сарын 16-ны өдрийн 327 дугаар тогтоолыг хүчингүй болсонд тооцсугай.

Монгол Улсын Ерөнхий сайд Н.АЛТАНХУЯГ

Монгол Улсын сайд, Засгийн газрын Хэрэг эрхлэх газрын дарга Ч.САЙХАНБИЛЭГ