МОНГОЛ УЛСЫН ЗАСГИЙН ГАЗРЫН ТОГТООЛ

2013 оны 3 дугаар сарын 30-ны өдөр

Дугаар 120

Улаанбаатар хот

ЖУРАМД НЭМЭЛТ, ӨӨРЧЛӨЛТ ОРУУЛАХ ТУХАЙ

Нийтээр тэмдэглэх баярын болон тэмдэглэлт өдрүүдийн тухай хуулийн 5.2-т заасныг үндэслэн Монгол Улсын Засгийн газраас ТОГТООХ нь:

1. Засгийн газрын 2010 оны 7 дугаар сарын 7-ны өдрийн 172 дугаар тогтоолоор баталсан "Түүхэн үйл явдлын ой, тэмдэглэлт өдрийг тэмдэглэх, гавьяат үйлстнийг алдаршуулах, дурсгалыг нь мөнхжүүлэх журам"-д дараахь агуулга бүхий 4.1.50 дахь заалт нэмсүгэй:

"4.1.50. "Хөдөлмөрийн салбарын ажилтны өдөр-жил бүрийн 9 дүгээр сарын дөрөв дэх Ням гараг".

2. Мөн журмын 4.1.3 дахь заалтыг дор дурдсанаар өөрчлөн найруулсугай:

"4.1.3. "Хүн амын хөгжил, нийгмийн хамгааллын ажилтны өдөр-жил бүрийн 4 дүгээр сарын 28-ны өдөр".

Монгол Улсын Ерөнхий сайд Н.АЛТАНХУЯГ

Хүн амын хөгжил, нийгмийн хамгааллын сайд С.ЭРДЭНЭ