2017 оны 3 дугаар сарын 24-ний өдрийн 82 дугаар тушаалаар хүчингүй болсон.

САНГИЙН САЙДЫН ТУШААЛ

2013 оны 05 дугаар Дугаар 120 Улаанбаатар хот сарын 31-ний өдөр

Татварын мэргэшсэн зөвлөх үйлчилгээний тухай хуулийн 14 дүгээр зүйлийн 14.2 дахь хэсгийг үндэслэн ТУШААХ НЬ:

Журам батлах тухай

1."Татварын мэргэшсэн зөвлөхөд эрх олгох, сунгах, шалгалт авах журам"-ыг 1 дүгээр хавсралтаар, татварын итгэмжлэгдсэн нягтлан бодогчид олгох гэрчилгээний загварыг 2 дугаар хавсралтаар тус тус баталсугай.

2. Татварын мэргэшсэн зөвлөхийн эрх олгох, сунгах, шалгалт авах асуудлыг батлагдсан журмын дагуу зохион байгуулж ажиллахыг Хууль, худалдан авах ажиллагааны бодлогын газар /Э.Хангай/, Төсвийн бодлого, төлөвлөлтийн газар /Ж.Ганбат/, Нягтлан бодох бүртгэлийн бодлогын газар /Х.Пүрэвсүрэн/-т тус тус даалгасугай.

3. Энэ тушаалын хэрэгжилтэд хяналт тавьж ажиллахыг Төсвийн хяналт, эрсдэлийн удирдлагын газар /Б.Батцэцэг/-т үүрэг болгосугай.

4. Энэхүү тушаал батлагдсантай холбогдуулан Сангийн сайдын 2013 оны 75, 112 дугаар тушаалыг тус тус хүчингүй болсонд тооцсугай.

САЙД Ч.УЛААН