МОНГОЛ УЛСЫН ЗАСГИЙН ГАЗРЫН ТОГТООЛ

2013 оны 7 дугаарсарын 6-ны өдөр

Дугаар 243

Улаанбаатар хот

ОРОН СУУЦ ХУВЬЧЛАХ ТУХАЙ

Засгийн газрын тухай хуулийн 30 дугаар зүйлийн 30.1, Орон сууц хувьчлах тухай хуулийн 6 дугаар зүйлийн 3 дахь хэсгийг үндэслэн Монгол Улсын Засгийн газраас ТОГТООХ нь:

1. Нийслэлийн Сүхбаатар дүүргийн 9 дүгээр хороонд байрлах Гаалийн ерөнхий газрын эзэмшлийн 60 айлын орон сууц, Чингэлтэй дүүргийн 6 дугаар хорооны 28 дугаар байрны 16 айлын орон сууц, Баянгол дүүргийн 6 дугаар хорооны 46 дугаар байрны 43 айлын орон сууц, Чингэлтэй дүүргийн 6 дугаар хорооны 60/1 дүгээр байрны 3 айлын орон сууцыг тус тус одоо эзэмшиж байгаа оршин суугчдад нь хувьчлахыг Төрийн өмчийн хороо (Д.Цогтбаатар)-нд зөвшөөрсүгэй.

2. Орон сууцны байрлал, ашиглалтад орсон огноо, эзэмшигчдийн тоо, талбайг хавсралт ёсоор баталсугай.

Монгол Улсын Ерөнхий сайд Н.АЛТАНХУЯГ

Сангийн сайд Ч.УЛААН