МОНГОЛ УЛСЫН ЗАСГИЙН ГАЗРЫН ТОГТООЛ

2022 оны 5 дугаар сарын 11-ний өдөр

Дугаар 191

Улаанбаатар хот

ТОГТООЛЫН ХАВСРАЛТАД НЭМЭЛТ, ӨӨРЧЛӨЛТ ОРУУЛАХ ТУХАЙ

Монгол Улсын Засгийн газрын тухай хуулийн 30 дугаар зүйлийн 1 дэх хэсэгт заасныг үндэслэн Монгол Улсын Засгийн газраас ТОГТООХ нь:

1. "Засгийн газрын комисс, хороо, үндэсний зөвлөл, ажлын хэсгийн бүрэлдэхүүний тухай" 2017 оны 1 дүгээр сарын 25-ны өдрийн 27 дугаар тогтоолын 15 дугаар хавсралтаар баталсан "Химийн хорт болон аюултай бодисын бодлого, зохицуулалтын асуудал эрхэлсэн үндэсний зөвлөлийн бүрэлдэхүүн"-ий "Гишүүд" хэсгийн "Хууль зүй, дотоод хэргийн яамны Төрийн нарийн бичгийн дарга" гэсний дараа "Эдийн засаг, хөгжлийн яамны Төрийн нарийн бичгийн дарга" гэж, 19 дүгээр хавсралтаар баталсан "Хүнсний аюулгүй байдлын үндэсний зөвлөлийн бүрэлдэхүүн"-ий "Гишүүд" хэсгийн "Гадаад харилцааны яамны Төрийн нарийн бичгийн дарга" гэсний дараа "Эдийн засаг, хөгжлийн яамны Төрийн нарийн бичгийн дарга" гэж, 23 дугаар хавсралтаар баталсан "Гамшгийн эрсдэлийг бууруулах үндэсний зөвлөлийн бүрэлдэхүүн"-ий "Гишүүд" хэсгийн "Хууль зүй, дотоод хэргийн сайд" гэсний дараа "Эдийн засаг, хөгжлийн сайд" гэж тус тус нэмсүгэй.

2. Мөн тогтоолын 20 дугаар хавсралтаар баталсан "Засгийн газрын комисс, хороо, ажлын хэсэг, тэдгээрийн дарга"-ын 20 дахь заалтын "Монгол Улсын сайд, Засгийн газрын Хэрэг эрхлэх газрын дарга" гэснийг "Эдийн засаг, хөгжлийн асуудал эрхэлсэн Засгийн газрын гишүүн" гэж, 14 дүгээр хавсралтаар баталсан "Тогтвортой хөгжлийн үндэсний хороо"-ны "Дэд дарга" хэсгийн "Монгол Улсын сайд, Засгийн газрын Хэрэг эрхлэх газрын дарга" гэснийг "Эдийн засаг, хөгжлийн сайд" гэж, "Гишүүд" хэсгийн "Засгийн газрын Хэрэг эрхлэх газрын Хөгжлийн бодлого, төлөвлөлт хариуцсан дэд дарга" гэснийг "Засгийн газрын Хэрэг эрхлэх газрын Дэд дарга" гэж, "Харилцаа холбоо, мэдээллийн технологийн газрын дарга" гэснийг "Цахим хөгжил, харилцаа холбооны яамны Төрийн нарийн бичгийн дарга" гэж, "Засгийн газрын Хэрэг эрхлэх газрын Бодлого төлөвлөлтийн газрын дарга" гэснийг "Засгийн газрын Хэрэг эрхлэх газрын Салбарын удирдлага, зохицуулалтын газрын дарга" гэж, "Нарийн бичгийн дарга" хэсгийн "Үндэсний хөгжлийн газрын дэд дарга" гэснийг "Эдийн засаг, хөгжлийн яамны Төрийн нарийн бичгийн дарга" гэж тус тус өөрчилсүгэй.

3. Мөн тогтоолын 14 дүгээр хавсралтаар баталсан "Тогтвортой хөгжлийн үндэсний хороо"-ны "Гишүүд" хэсгийн "Үндэсний хөгжлийн газрын дарга" гэснийг, 23 дугаар хавсралтаар баталсан "Гамшгийн эрсдэлийг бууруулах үндэсний зөвлөлийн бүрэлдэхүүн"-ий "Гишүүд" хэсгийн "Үндэсний хөгжлийн газрын дарга" гэснийг, 15 дугаар хавсралтаар баталсан "Химийн хорт болон аюултай бодисын бодлого, зохицуулалтын асуудал эрхэлсэн үндэсний зөвлөлийн бүрэлдэхүүн"-ий "Гишүүд" хэсгийн "Үндэсний хөгжлийн газрын дарга" гэснийг, 19 дүгээр хавсралтаар баталсан "Хүнсний аюулгүй байдлын үндэсний зөвлөлийн бүрэлдэхүүн"-ий "Гишүүд" хэсгийн "Үндэсний хөгжлийн газрын дарга" гэснийг тус тус хассугай.

4. Энэ тогтоол гарсантай холбогдуулан "Нээлттэй засгийн түншлэлийн тухай" Засгийн газрын 2013 оны 11 дүгээр сарын 23-ны өдрийн 381 дүгээр тогтоолыг хүчингүй болсонд тооцсугай.

Монгол Улсын Ерөнхий сайд Л.ОЮУН-ЭРДЭНЭ

Монгол Улсын сайд, Засгийн газрын Хэрэг эрхлэх газрын дарга Ц.НЯМДОРЖ