Нүүр
Хүчингүй эрх зүйн акт 
Нэмэлт өөрчлөлт 
Хавсралт 
Сонсох / Сонгосон утга сонсох
Pdf
Word
Хэвлэх
МОНГОЛ УЛСЫН САНГИЙН САЙДЫН ТУШААЛ
2013 оны 11 дүгээр сарын 22-ны өдөр
Дугаар 264
Улаанбаатар хот
ЖУРАМ БАТЛАХ ТУХАЙ
Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 51 дүгээр зүйлийн 51.2 дахь хэсэг, 52 дугаар зүйлийн 52.1.3 дахь заалтыг үндэслэн ТУШААХ нь:
1. "Бүртгэл хөтлөх журам"-ыг нэгдүгээр хавсралтаар, Маягт 1 /Мэдүүлгийн маягт/-ийг хоёрдугаар хавсралтаар, Маягт 2 /Үйл ажиллагааны чиглэл, чадвар, туршлагын талаарх мэдээлэл/-ыг гуравдугаар хавсралтаар тус тус баталсугай.
2. Энэхүү журмын хэрэгжилтэд хяналт тавьж ажиллахыг Хууль, худалдан авах ажиллагааны бодлогын газар /Э.Хангай/, Төсвийн бодлого, төлөвлөлтийн газар /Ж.Ганбат/, Төрийн сангийн газар /Ч.Тавинжил/, Төсвийн хяналт, эрсдэлийн удирдлагын газар /Б.Батцэцэг/-т тус тус үүрэг болгосугай.
3. Энэхүү журам батлагдсантай холбогдуулан Сангийн сайдын 2013 оны 9 дүгээр сарын 25-ны өдрийн 214 дүгээр тушаалыг хүчингүй болсонд тооцсугай.
САЙД Ч.УЛААН
/Сангийн сайдын 2019 оны 183 дугаар тушаалаар өөрчлөлт орсныг тусгав/
САНГИЙН САЙДЫН ТУШААЛ
2024 оны 6 дугаар сарын 18-ны өдөр
Дугаар А/119
Улаанбаатар хот
ТУШААЛЫН ХАВСРАЛТАД ӨӨРЧЛӨЛТ ОРУУЛАХ, ТУШААЛ ХҮЧИНГҮЙ БОЛСОНД ТООЦОХ ТУХАЙ
Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль /Шинэчилсэн найруулга/-ийн 55 дугаар зүйлийн 55.1.3 дахь заалтыг үндэслэн ТУШААХ нь:
1.Сангийн сайдын 2023 оны А/253 дугаар тушаалын хавсралтаар батлагдсан "Тендер шалгаруулалтын гомдол хянан шийдвэрлэх журам"-ын 5.10 дахь заалтын "5.10-т" гэснийг "5.9-д" гэж, А/255 дугаар тушаалын хавсралтаар батлагдсан "Тендер үнэлэх, давуу эрх олгох аргачлал, заавар"-ын хавсралтын 8 дугаар маягтын "28 дугаар зүйлийн" гэснийг "27 дугаар зүйлийн" гэж тус тус өөрчилсүгэй.
2.Сангийн сайдын "Журам батлах тухай" 2013 оны 11 дүгээр сарын 22-ны өдрийн 264, "Журам, тендерийн жишиг баримт бичиг шинэчлэн батлах тухай" 2021 оны 10 дугаар сарын 04-ний өдрийн 174 дүгээр тушаалыг тус тус хүчингүй болсонд тооцсугай.
3.Энэ тушаалын дагуу холбогдох өөрчлөлтийг захиргааны хэм хэмжээний актын улсын нэгдсэн бүртгэлд бүртгүүлэх арга хэмжээ авахыг Хууль, эрх зүйн газар (З.Энхболд)-т даалгасугай.
САЙД Б.ЖАВХЛАН
