/Баянхонгор аймгийн ЗД-ын 2016-09-14-ний 572-р захирамжаар хүчингүй болсон/

БАЯНХОНГОР АЙМГИЙН ЗАСАГ ДАРГЫН ЗАХИРАМЖ

2005 оны 4 дүгээр сарын 7-ны өдөр Дугаар 91 Баянхонгор

МАЛ ХУЛГАЙЛАХ ГЭМТ ХЭРЭГТЭЙ ТЭМЦЭХ АЖЛЫГ

ЭРЧИМЖҮҮЛЭХ ТУХАЙ

Мал хулгайлах гэмт хэрэгтэй тэмцэх, урьдчилан сэргийлэх тухай хуулийг хэрэгжүүлэх зорилгоор ЗАХИРАМЖЛАХ нь:

Нэг. Дор дурдсан арга хэмжээг авч хэрэгжүүлэхийг сумын Засаг дарга нарт даалгасугай.

1.Нутаг дэвсгэрийн хэмжээнд бод малыг индексжүүлсэн тамганы сүлжээнд хамруулах ажлыг 2005 оны 9 дүгээр сард багтаан зохион байгуулж хэрэгжүүлэх

2.Иргэд, аж ахуйн нэгж, байгууллагаас төв суурин газарт борлуулах зорилгоор оруулж байгаа мал маханд гарал үүслийн гэрчилгээ олгож байх

3.Өөр аймаг, сумын нутаг дэвсгэрт отроор нүүдэллэн явж баигаа малчдын малд зүсмийн бүртгэл хөтлүүлж түүнийг нь хуульд заасан журмын дагуу баталгаажуулж байх

4.Малын хулгайн гэмт хэргийн талаар иргэдээс мэдээлэл авах сүлжээг бий болгож, мэдээлэгчийн аюулгүй байдлыг хангах, түүнийг урамшуулахад чиглэсэн тодорхой арга хэмжээнүүдийг мэргэжлийн байгууллагатай хамтран зохион байгуулж хэрэгжүүлэх

5.Чоно бүхий газруудыг судалж авлах ажлыг байнга зохион байгуулж байхын зэрэгцээ чоно агнасан иргэдийг урамшуулж байх журам тогтоож мөрдөх

6.Сумын хэмжээнд алдуул малын бүртгэлтэй болж алдуул малын талаар цагдаагийн байгууллага болон иргэдэд байнга мэдээлж байх

ЗАСАГ ДАРГА П.ЗОРИГТБААТАР