/ЗД-ын 2016 оны А/380 дугаар захирамжаар хүчингүй болгосон/

ДАРХАН-УУЛ АЙМГИЙН ЗАСАГ ДАРГЫН ЗАХИРАМЖ

2003 оны 09 дүгээр

сарын 30-ны өдөр Дугаар 271 Дархан

ЗАХИРАМЖ ХҮЧИНГҮЙ БОЛГОХ ТУХАЙ

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 14 дүгээр зүйлийн 2 дахь хэсэг, Засгийн газрын 1998 оны 234 дүгээр тогтоолыг үндэслэн ЗАХИРАМЖЛАХ нь:

1.Аймгийн Засаг даргын 2003 оны 223 дугаар захирамжаар батлагдсан "Дархан-Уул аймагт төрийн ёслол, хүндэтгэлийг зохион байгуулахад баримтлах заавар"-ын "А" хэсгийн 1.1.4 дэх заалтыг "Аймаг, хот, сум байгуулагдсаны тэгш ойг наадамтай хамтатган тэмдэглэнэ. Онцгойлон үзэх шалтгаанаар өөр өдөр тэмдэглэх бол аймгийн ИТХ-ын Тэргүүлэгчдийн тогтоол гаргуулна" гэж өөрчилсүгэй.

2.Аймгийн Засаг даргын "Комисс томилж, журам батлах тухай" 2003 оны 230 дугаар захирамжийг хүчингүй болсонд тооцсугай.

ЗАСАГ ДАРГА Д.ХАЯНХЯРВАА