ДУНДГОВЬ АЙМГИЙН

САЙХАН-ОВОО СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2020 оны 12 дугаар сарын 18-ны өдөр

Дугаар 09

Онги

МАЛЫН ТОО ТОЛГОЙД НОГДУУЛАХ

АЛБАН ТАТВАРЫН ХЭМЖЭЭ ТОГТООХ ТУХАЙ

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 25 дугаар зүйлийн 25.1 дэх хэсэг, Малын тоо толгойн албан татварын тухай хуулийн 6 дугаар зүйлийн 6.1, 6.2 дахь хэсэгт заасныг тус тус үндэслэн сумын иргэдийн Төлөөлөгчдийн Хурлаас Тогтоох нь:

1.Нэг малын тоо толгойд 2021 онд ногдуулах албан татварын хэмжээг дор дурьдсанаар тогтоосугай.

1.1.Тэмээ - 2000 төгрөг

1.2.Адуу - 2000 төгрөг

1.3.Үхэр - 2000 төгрөг

1.4.Хонь - 400 төгрөг

1.5.Ямаа - 500 төгрөг

2021 онд ногдуулсан малын тоо толгойн албан татварын хэмжээг 50 хувиар бууруулж тооцсугай. /Сумын ИТХ-ын 2021 оны 24 дүгээр тогтоолоор өөрчлөлт орсныг тусгав/

2. Малын албан татварыг төсөвт төвлөрүүлж, зарцуулалтыг Хурлаар батлуулж, хэрэгжилтийг тайлагнаж ажиллахыг сумын Засаг дарга (С.Амарсанаа)-д даалгасугай.

3.Энэ тогтоолыг 2021 оны 1 дүгээр сарын 1-ний өдрөөс эхлэн дагаж мөрдөнө.

ДАРГА Д.УНДРАЛ